其實今年好少恐怖大片上，不過有留意既話都會睇到呢套即將係 10 月 16 日上映既《血色莊園》，早前睇過預告都覺得幾唔錯，連平時好少入戲院睇戲既小編都想一上就去先睹為快；有興趣既讀者，依家除左睇預告之外，仲可以睇埋花絮啊，聽聽演員同導演既介紹，咁咪知佢係咪「你杯茶」咪唔驚入到去發現唔岩你囉！
由 Legendary 同 Universal 聯合製作既《血色莊園》，導演係 Guillermo del Toro，相信好多人對佢都唔陌生人，佢近年執導唔少大片，當中包括《環太平洋》同《哈比人》，而佢係恐怖片方面亦有唔錯成就包括《魔間迷宮》同《地獄男爵》，今次呢套電影既故事佢都有份寫添。
故事講述係 19 世紀一個年輕女作家 Edith ，嫁比 Thomas 後搬入一楝哥德式既山莊，但好快 Edith 就發現丈夫同所住既房有住不可告人既秘密。只係睇套電影預告，已經覺得服裝﹑場景同特效非常驚豔，故事情節簡單而具可看性，加上飾演 Thomas 既 Tom Hiddleston 係花絮個句「 Guillermo incredibly skilled at holding back surprise 」，睇完花絮就更加興奮，好想快啲睇啊！
以下就係《血色莊園》既花絮兼介紹：
如果仲未睇預告，就可以一次過睇埋：
來源： comingsoon.net
分享到 :
最新影片
