頭先睇到 Samsung 係美國推出針對 iPhone 用家嘅「試用」優惠，如果今年上半年買咗 S6 或者 S6 edge 的 wire 民，係咪覺得好葡萄？咁又唔洗嘅，其實大家唔洗買新機都一樣好快用得到新機 S6 edge+ 嘅新功能，有消息指 Samsung 已係全球逐步發佈 firmware 更新，讓 S6 / S6 edge 用家可以用到所有 S6 edge+ 新功能，咁就唔洗買新機都得啦。
據消息指，今次更新除了會加入 S6 edge+ 上採用的新圖示，還會加入 S6 edge+ 新增的各項新功能到 S6 / S6 edge 上，包括：Samsung Pay、Apps Edge、UHQ 及真空管 Amp Pro 音效強化等，還會改進整體的使用介面體驗。此外，更新還會加入支援拍攝 RAW 相片，亦會加入 YouTube 直播及其他新增的攝影模式。
據稱今次更新已於韓國及部分歐洲國家推出，唔知香港又會幾時推出呢？望就望唔洗等咁耐啦。
來源：SamMobile
