擁有智能手機的讀者們相信達 99% 以上吧，你們會怎樣使用手機呢？用作影相拍片、收發短訊、傳送語音、瀏覽網站、社交網絡，還是沉迷在遊戲世界呢？英國早前有研究發現，當地在過去三年的智能手機使用率由 52% 先至 76%，不過打電話通話的人數就大幅下跌。
統計發現每星期講至少一次電話的人由三年前的 96% 下跌至 75%，而每名英國的智能手機用戶花在非語音的時間更達到每日 90 分鐘。筆者拿出自己的私人手機，發現過去一整個月，除了兩次 Book 枱食飯，其餘的電話都是廣告 Cold Call。雖然 Data 價錢越來越貴又越來越少，偏偏我們都不講電話，改以文字相片在 WhatsApp、LINE 溝通。
早前中國移動香港終於宣佈推出 VoLTE 服務，幾個電訊商的用戶都可以享用到 4G 的語音或視像通話。雖然遲到好過冇到，不過以香港人現在的手機使用習慣，究竟還有幾多人願意講電話呢？橫掂有大把通話分鐘剩低，不如就打個電話俾屋企人朋友傾下偈吧！