香港人一向都鍾情日本美食，壽司、拉麵幾乎每星期都食。為進一步推廣日本美食，日本最大餐廳情報網站 GURUNAVI 將於 10月22日至 11月4日期間舉辦「Japanese Restaurant Week 日本餐廳美食周in 香港」第二彈。而我依莉詩就去咗 74間指定本地日本餐廳中，來自日本北陸地區新潟縣嘅「海老の髭」，一嚐紅楚蟹嘅味道。
▲ 紅楚蟹（紅ずわい蟹）可能未必聽過，不過佢同大閘蟹一樣，10月開始進入當
▲ 餐廳裝修以深啡木為主，燈光柔和，坐位寬敞，甚有高級居酒屋嘅氣派。
▲ 特別為日本餐廳美食周推出嘅「新潟盛宴」以新潟縣秋季食材入饌，除咗有紅楚蟹外，仲有釜炊新潟海鮮土鍋飯及多款季節新潟鄉土料理，令人身處香港都可以感受到極致和食體驗。
▲前菜拼盤有低溫熟成三文魚配三文魚籽、能平汁、炸腐皮 及 汁拌食用菊。
以低溫熟成嘅三文魚，肉質幼滑，味道鮮甜，而炸腐皮外層香脆，內裡一層層軟綿綿，口感十足。
▲海鮮拼盤會根據當天供應 3種刺身、 手握壽司 及 煮紅楚蟹。
蟹蓋上蟹醋造嘅啫喱濃烈嘅味道，刺激味蕃引出蟹肉香甜鮮味，非常開胃。
▲鹽燒赤鯥
赤鯥係日本海中罕見有脂肪嘅白身魚，燒過後爽脆之餘散發油香，係佐酒之選。
▲ 新潟縣南魚沼市(八色天惠菇) 天婦羅
新潟縣南魚沼市產嘅天惠菇肉厚味濃，鬆脆外殼，內埋彈牙鮮味。
▲味噌烤豚肉
以 1:1.7 味噌大豆同麴製成嘅十七麴味噌烤成的豚肉甜味濃烈，口感幼軟細滑。
▲釜炊新潟海鮮土鍋飯
以木魚高湯與魚沼產越光米、紅楚蟹、鮑魚係伊賀燒陶土鍋煮十四分半鐘，再盛上海膽及三文魚籽再蒸五分鐘，海鮮香氣滲透每粒飯，加入鰹魚高湯即造出茶漬風泡飯，帶來秋季最奢華享受。
依莉詩：「土鍋飯用料十足！」
所謂不時不食，呢個套餐選用新潟縣秋天嘅當造食材，加上精緻造型已經加分不少。雖然 $680/位 一 D 都唔平民，不過份量相當充足，特別係釜炊新潟海鮮土鍋飯啖啖都有海鮮入口。我地仲問過，如果得一個人食，係咪都係咁大鍋飯，師傅竟然話係！(咁大家識點做啦)
海老の髭 (Hbi-no-Hige)
售價：「新潟盛宴」$680/位
地址：銅鑼灣霎東街15號OLIV 12樓
電話：2155 4186
營業時間：星期一至日 12:00-15:00/18:00-23:00
分享到 :
最新影片
