之前 HTC 嘅 One A9 網上發佈會（大概勉強算是吧……）搞得雷聲大雨點小，雖然出來部機都算靚仔，但係似乎未去到 HTC 高層口中所說可「取代 iPhone」的級數吧。有傳 HTC 打算再度出招，將會發佈「真‧旗艦」，網上今日就流傳出一部名為 One X9 嘅新機，規格更是「旗艦級」：MTK Helio X20 十核心處理器、4GB RAM、2K QHD 熒幕！似乎相當吸引喎。
據知呢個未必係 One X9 嘅最終規格，此機亦有可能用上 Qualcomm 最新嘅 Snapdragon 820 處理器。至於儲存空間方面，One X9 將會設有 64GB 及 128GB 兩款容量選擇，據指 HTC 亦會推出入門版 One X9，規格與旗艦版差唔多，只係 RAM 及儲存空間降 grade 為 3GB RAM 及 32GB。其他規格，包括會採用 2,300 萬像素主鏡頭及 400 萬像素前置鏡頭（即係 HTC UltraPixel 鏡頭），亦會內建 3,500mAh 容量電池及設有前置 BoomSound 立體聲喇叭。而最震撼嘅係，呢部 One X9 雖然規格幾高，但售價卻極為親民，有傳只係 2,999 元人民幣（約 HK$3,660）。如果係真，大家又會唔會願意俾多次機會俾 HTC 呢？
來源：新浪微博
