之前我哋曾經為大家報導過 Apple 嘅「巨無霸」平板：iPad Pro 將會係 11 月 11 日正式推出，今日又有新消息，拍 iPad Pro 實際並不會係當日推出！咁會幾時？遲兩日唧，即係 11 月 13 日，呢個亦比較符合 Apple 一貫於星期五正式發售新產品的慣例，筆者覺得可信性都幾高。
今次呢項消息流出嘅係一間名為 Sam’s Club 嘅美國連鎖會員制百貨公司，據外媒指該百貨公司已開始接受會員預訂 iPad Pro，並寫明會於 11 月 13 日開售，故而洩漏咗 iPad Pro 推出日期嘅消息。今次 Sam’s Club 接受預訂日期甚至比 Apple 官網還要早（官網仲未有消息……），未知是否因為受到 Apple 壓力？定係太受歡迎首批貨已訂完？筆者瀏覽 Sam’s Club 有關 iPad Pro 嘅頁面時，已收起咗推出日期並不再接受預訂。
至於香港，暫時 Apple 仲未宣佈會於何時推出，但之前筆者都曾經耳聞有機會於 11 月中推出，與今次外國呢單消息嘅日期相當接近，睇來如果有心入手 iPad Pro 嘅 wire 民，今次真係可以預備定銀兩了。
來源：Sam’s Club
分享到 :
最新影片
