講起掃描器，唔少人都覺得今時今日唔會再買單頭機，因為香港地寸金尺土，放部 scanner 再放部 printer，不如買部多合一？不過 Craftses Studio 的負責人 Bryan Tong 就唔係咁諗，從事影像處理及顧問工作嘅佢，對於掃描器有很高的要求，一般多合一可能幫不上忙。在現今越來越難搵「純 Scanner」的電腦場裡，為何 Bryan 上周堅持要買一台獨立的 Scanner?
成品色準好緊要
Bryan 的 Craftses Studio，主要係從事 imaging studio（處理相片、菲林為主）及 colour management（色彩管理），客源有外國公司，亦有本地客：「首先 imaging studio 方面，主要客群是本地嘅藝術家，佢哋有時會想將畫出來嘅畫數碼化，然後 scan 少量，大約 10 份左右嘅限量版公開發售。既然係仿製品，佢哋自己希望保持所有製品都有相同質量，因此只我哋擁有高質掃描器，就可以幫到佢哋手。另外，我亦有一群客群係攝影發燒友，佢哋希望將以前影落嘅菲林數碼化，同時又想保持菲林沖曬出來嘅相片嘅質感，亦只有高質嘅掃描器先至做得到呢個效果。」
「至於 colour management 方面，就唔係印成品，而係顧問服務。會用呢項服務嘅公司，主要係來自外國或中國，而且以紙廠同埋有生產產品嘅大公司佔大多數。佢哋希望印刷出來嘅成品或者產品上面嘅包裝紙，就算大量印制都可以保持相同顏色及質素，就會搵我哋幫佢哋嘅打印工序做顏色校對同埋 ICC Profile，之後佢哋就算自己印，都可以保證每次印都有相同效果。」Bryan 更補充講，無論係搵佢哋做邊項服務嘅客戶，都係屬於高端客，追求有質素嘅成品，所以掃描器唔止要功能齊全，掃描質素都要好高，先可以達到客戶嘅要求。
性價比高極吸引
針對客群嘅需要，Bryan 於是就在不久前購入 Epson Perfection V800 Photos 呢部掃描器，他不諱言價格係吸引佢用嘅一大理由：「10 年前買部要做到符合我要求嘅掃描器，郁下都要幾萬甚至十幾萬，而家只需要 5 千幾蚊就做到相關效果，性價比真係超高！」Bryan 坦言在巿場上其實專業的掃瞄器選擇越來越少，大都是多合一的產品而且是比較「文件向」，「影像向」的掃瞄器其實是寥寥可數，有的超大型的 output 店用十幾萬的機械，像這類相對小型的掃瞄器實在不多
支援格式多更具彈性
除咗價錢，其實 Bryan 更重視係出來成品嘅質素，各位可能覺得一般掃瞄器只用來 Scan 文件及相片，但這些都不能滿足我的客戶要求。 他們有很多菲林底片需要掃瞄，巿場上有菲林專用的掃瞄器 ( Film scanner)，但單是 135mm 格式比較好的一點都需要近萬元一台，中底的話更是一般人負擔不起。幸好這台Epson 掃瞄器設有專用菲林固定架，而且支援好多種格式嘅菲林，包括：135、120、甚至 4 x 5 底片等，而掃描相片最大仲可以去到 A4 大啲，係取材上更有彈性。至於掃描出來嘅成品，由於解像度更可以最大去到 9600dpi，出到來嘅效果，細緻度更隨時比傳統菲林沖曬出來嘅更高㗎！個人覺得其品質跟昂貴的 Film Scanner 相距不遠，但價錢上平上一大截呢 !」Bryan 更表示，今次購入的 Epson Perfection V800 Photos 已經是第二代產品，掃描菲林時可以去除因菲林表面唔夠平坦導致嘅牛頓環（Newton Ring），進一步將成品完美化。
▲支援多種格式菲林，係 Bryan 採用 Epson Perfection V800 Photos 嘅其中一個原因。
▲只要將菲林放入中間中空位置，然後放係掃描器上，就可以掃描到菲林了。
軟件夠專業助客解決需要
Bryan 表示，很多掃瞄器雖然規格很不錯，但其 Driver 及軟件卻是很「陽春」不能配合商業所求。 這台 Epson 掃瞄器跟機軟件專業，功能亦夠齊全，唔止可以令佢幫到客戶更完美化成品，更令佢可以提供以前提供唔到嘅服務俾客戶：「有時客戶想我哋幫佢哋掃描報紙或者雜誌，但大家都知道，用掃描器掃描報紙紙或者雜誌紙，都會有『撞網』情況出現，導致係成品上出現『網點』，影響成品質素。而 Epson Perfection V800 Photos 嘅掃描軟件 Epson Scan，就可以幫我去除呢啲網點，令成品掃描出來，同睇到報紙、雜誌本身嘅原稿分別不大。」
▲Bryan 表示，Epson Scan 唔止可以去除網點，掃描相片時仲可以還原相片本身應有嘅顏色，好似上面張相片咁，本來偏紫咗，經 Epson Scan 處理器可以變回 1 圖嘅原色。
「另外有啲客戶想我哋幫佢哋掃描菲林底片，但好多時呢啲菲林都有番咁上下『年資』，輕則上面有肉眼睇得到或睇唔到嘅灰塵，重則可能已被刮花表面，如果就咁 scan 出來，成品就無法還原相片本身嘅效果。Epson Perfection V800 Photos 跟機嘅另一套軟件 SilverFast SE，佢會係掃描菲林後，再用紅外線偵測菲林表面有冇灰塵或者刮痕，如有就會自動去除或者修復刮花部分，加上還原番相片本身應有嘅顏色同效果，令掃描出來嘅成品可以還原番當初嘅風采！」
▲呢個就係另一個跟機軟件 SilverFast SE。
▲掃描菲林後，已可以係成品上睇到有一條刮痕。
▲再用紅外線掃描相片，就見到除咗刮痕，仲有好多因為菲林表面有塵導致嘅白點（上圖中嘅紅點）。
▲用呢套軟件，Bryan 就可以最大程度將可能係幾十年前影落嘅相片本來嘅面貌還原。
Bryan 更表示，正係呢個新軟件，令佢可以為客戶提供全新嘅 Hybrid Process 服務，令掃描出來嘅菲林，唔止可以修復上面提及嘅問題，利用後製軟件加工後再打印出來，隨時比傳統係黑房沖曬嘅相片睇到更多 detail 位，例如：衫嘅布料、背景、髮絲等。「以前用黑房沖曬相片，最少都要 30 分鐘先睇到個效果，而且中間如果出現意外，（例如：用毛筆點墨水 retouch 走相片上因菲林有塵引致嘅白點時，一旦點深咗相片就要由頭曬過）就隨時要更長時間。而家用呢種混合式服務，好快就可以係電腦熒幕上面睇到效果，之後再打印出來，唔止可以減少浪費時間同材料，仲可以睇清效果先打印出來，成品質素自然有保證。」
▲Epson Perfection V800 Photos 令 Bryan 可以為客戶提供全新嘅 Hybrid Process 服務，可以係更短時候為客戶將菲林相片數碼化，再加上後期加工，令相片出來嘅效果比傳統沖曬菲林更佳。
至於採用佢哋 colour management 色彩管理顧問服務嘅客戶，Bryan 都會向對方建議購入 Epson Perfection V800 Photos 同埋打印機：「我會叫佢哋買張 scanning target，當掃描一次後，內置軟件會自動建立一個 ICC profile，以後掃描相同成品時，只需要掃描後應用番呢個 profile，就可以保持色彩一致，令客戶自己都可以掃描及打印出高質素嘅印刷品。」
▲只要將 scanning target 放係原相下面一齊掃描，Epson Perfection V800 Photos 配合軟件就可以還原相片應有嘅顏色。
選錯掃瞄器損失大
咁 Bryan 有冇試用過其他品牌嘅掃描器？Bryan 坦言肯定有，但其他品牌嘅機款，相同價位嘅表現都唔算理想：「最大問題係掃描出來嘅成品，會出現五顏六色嘅嘢出來，呢啲就係雜訊，而且都幾重。如果掃描影像本身有雜訊，打印出來之後都一樣會見得到，自然會影響成品質素，直至採用 Epson Perfection V800 Photos 之後，先解決到呢個問題。」
▲除咗 Epson Perfection V800 Photos 外，Bryan 嘅工作室都有配備 Epson 自家嘅專業打印機 Stylus Pro 7910，以求將最佳成品提供給客戶。
▲就連打印相紙都係用 Epson 原廠相紙㗎！
後記：買掃描器要質素勿抱「街市求其揀棵菜」心態
筆者訪問期間，見到 Bryan 嘅工作室雖然「麻雀雖小」，但唔止掃描器採用 Epson Perfection V800 Photos，亦擺放咗專業級嘅 Epson 打印機，真係用齊一套。但其實有個問題，係筆者未到 Bryan 嘅 studio 之前，已一直盤旋係腦海中：而家嘅人個個手上面拿住部智能手機，就算影相，會用菲林相機影嘅人真係少之又少，影完 copy 落電腦度，有需要開番出來咪得囉！乜仲有人 scan 相印相㗎咩？抱住呢個疑問，於是就膽粗粗向 Bryan 請教，佢聽到之後就語重心長咁講一句：「拿住張實體相，同你開部電腦或者手機 show 相俾人睇，個 feel 好唔同㗎！」Bryan 仲現場展示咗幾張係香港影嘅星軌同風景相，令筆者驚嘆原來香港都有咁靚嘅景色！「咪就係呢種成就感囉！你開部電腦 show 相俾人睇，就算睇同一張相片，個種震撼感肯定無拿住張相咁實在。」
Bryan 仲講，就算大家仍然用菲林相機影相，都應該要買番部專業級掃描器，唔止可以幫大家用高質素將菲林相片數碼化，而且經過後製後出來嘅效果，真係會比傳統係黑房沖曬出來嘅相片好得多呢！「所以，揀掃描器，絕對唔係街市揀棵菜咁簡單，要揀有質素嘅機款，先至俾到大家想要嘅高質素效果㗎！」
