現在的人大多都機不離手，如果要出一日街，帶一兩個充電器基本上是必需的。Michi 最近推出的 SLIM 12000mAh 充電器不但機身小巧，而且有多色選擇，方便不同場合使用。 此外，它支援快速充電功能，更可同時充兩部電話，最適合忙碌的都市人隨身攜帶！
設計簡約，多色選擇
Michi SLIM 設計簡約，長方圓角、單色設計沒有太花巧，加上表面的橡膠塗層可防止滑手，實用美觀。它有 7色選擇，想野性一點可以選擇螢光粉紅同螢光橙，想可愛一點可以選擇湖水綠同薰衣草紫，想沉實一點亦可以選擇葡萄紫、鑽藍、闇黑，無論你走咩路線，去咩場合都總有一舊適合你。同時，SLIM 內置過度充電保護、過度放電保護、溫度保護及過載電流保護等設計，安全性大大提高，就算快充都唔覺熱，拎住喺手充電都無問題。
▲ 有 7色選擇，無論你走咩路線，去咩場合都總有一舊適合你。
全新快充技術，縮短充電時間
Michi SLIM 提供最高 4.2A 輸出，可同時替兩部流動裝備充電，自己充電嘅時候打救埋朋友都得。而佢用左 Qualcomm 專利嘅 Quick Charge 2.0 技術，可以為 Samsung Galaxy Note 5、Samsung Galaxy S6 Edge Plus 等快速充電，短短 24分鐘就可以充到 50%電量，咁就唔洗長期插住尿袋啦！另外，它設有 4 段LED 電量顯示燈，只要按則面的按鍵便可即時知道電池餘量，唔洗估估下。
▲ SLIM 提供最高 4.2A 輸出，可同時替兩部流動裝備充電。
▲ 只要按側面的按鍵便可即時知道電池餘量，唔洗估估下。
▲ 它設有 4 段LED 電量顯示燈，顯示剩餘電量。
▲ 用普通插口充電需要充 1小時 42 分鐘。
▲ 用 Quickcharge 2.0 充電就只需要 1小時 14分鐘，快咗足足半個鐘。
▲ Quickcharge 2.0 插口輸出 8.8 – 9.2v ，無花無假。
QuickCharge 都唔「辣手」
巿面上有些 QuickCharge 的外置電，當真正進入 QuickCharge 模式後，幾分鐘後就會相當熱，甚麼會嗅到一些由高熱産生的味道。而筆者試用這款 Michi 就算使用 Quickcharge 2.0 充電， 15 分鐘後由 26.5度升到 31.6 度，仍然喺可以接受範圍，都唔會辣手。
▲ 就算使用 Quickcharge 2.0 充電， 15 分鐘後由 26.5度升到 31.6 度，仍然喺可以接受範圍亦唔會辣手。
依莉詩：「湖水綠同薰衣草紫夠 Sweet！」
番工成日要四圍去，平時總要帶幾個尿袋喺身，都幾重下，好彩 SLIM 電量夠大，帶一舊就可以用成日。而且充電夠快又唔熱，仲有糖果色系嘅湖水綠同薰衣草紫，夠晒 Sweet，襯番我平時 D 裙仔！
售價：$399
查詢：Store Labels International Limited (2556 6677)
