聞說 Unwire 的同事經常出入數碼港，同好多科技達人做專訪，他們很好奇為什麼會有人山長水遠去數碼港返工，不是 IT 出身，不做技術性工作，更不因大公司薪高糧準福利好 … 哈哈，所以就揾我講下究竟數碼港有咩好野同趣事。

有日上班時間，忙到甩轆的時候，有人打電話黎做問卷，想了解下交通方面的支出，問我返工車費及路程。我跟他說，交通開支很大，每日由新界區數碼港來回，沒有車直到，又要用好多時間，好累。訪問員卻說，「數碼港對妳來說不算遠吧，不用過海 …

WHAT？！

原來他誤會了數碼港是科學園。

說起上來，有不少香港人都不太清楚數碼港的地理位置，尤其一些朋友不住港島，知道都唔出奇，因為數碼港位處市中心，主要建築是辦公室，少有娛樂性景點，人少是自然而然的。跟朋友交換近況時，每當我說我在數碼港返工，朋友就通常會問，「數碼港其實係邊？解釋的時候會說，香港仔上啲／港大入啲／華富邨附近，但講完有時都會唔知，咁就唯有開個 Google Map 俾佢地睇啦。

http://goo.gl/2GjEiE

對於一個曾於中環同尖沙咀返工，出入靠地鐵代步，時間可以掌握得非常好的人來說，數碼港真的好遠。尤其早晚的繁忙時間，先不說等車脫班飛站塞車等等，一程車用的時間可以飛到轉台北，high完個tea，煲一集韓劇，睇晒 Facebook / Instagram / Feedly / Flipboard / 蘋果動 … 的 NewsFeed，但身為一個 (偽) OL，經過一早起身換衫化妝的過程，當然我通常就瞓足全程。

因為大家都知這個山區兒童上學問題，所以數碼港非常貼心，安排了返工放工穿梭巴士，來往各主要轉車區，只要你買定車飛，準時到站排隊上車，就唔使咁頻撲啦。數碼港入面亦有些大公司自行安排車接送員工返放工，不過要有員工證先上得，我做的蚊型公司，就要靠數碼港了。

https://www.cyberport.hk/files/getting_here_pdf/Tenant_Bus_Service_en.pdf　

我好記得初初返工的時候，日日都搭旅遊車(邨巴) 返工，好似小學雞坐校巴要同媽媽 wave goodbye 咁，有時仲覺得日日都跟團去秋季大旅行咁，因為朝朝都係同一班人一齊搭，係差個導遊揸咪，哈哈。

我啲同事成日講笑咁話，數碼港的一小時生活圈很大，有時出中環灣仔銅鑼灣要一個鐘，去旺角尖沙咀甚至沙田又係一個鐘，就睇你識唔識搭車喇。除了穿巴，數碼港還有巴士小巴的士，有些大型活動更會有專車接送。非繁忙時間都算方便，巴士來往中環赤柱北角同旺角，小巴來往銅鑼灣灣仔鰂魚涌，專車的話，舉例我公司黎緊12月頭的活動，對象係同學仔，就會有車來往金鐘/九龍塘同數碼港，免得大家因唔識路而錯過精彩環節。

http://m.cyberport.hk/zh_tw/find-cyberport/transportation#.VGB7ljSUeSo　

http://career.hkwtia.org/

 

▲ 張相係我一年前入職不久的時候由我個位影出去的，Magic Hour 的懾人魅力係數碼港充分表現到 😀

「喂，數碼港咁遠，車費又貴，點解你㨂呢度返呀，搵唔到工咩？」

好問題！下次答你;)