Apple 將會在 9 月 16 日正式開放 iOS 9 的下載，屆時 iPhone、iPad 用戶可以為裝置升級。不過 iOS 9.1 Beta 1 日前亦向開發者和測試者推出了，當中全新的 Emoji 表情符號亦成為了焦點。
Logitech 發表 iPad Pro 鍵盤
在 iPad Pro 發表後不久，Logitech 就公佈為 iPad Pro 特別設計的全新鍵盤 Create。Create 和 Apple 的 Smart Keyboard 一樣，通過 Smart Connector 接口連接，直接從 iPad Pro 取電。換句話說，Create 將毋須充電和進行無線配對。
唐言無忌：缺陷美
又是搶 iPhone 的時候了，今日你會留守在電腦前搶 iPhone，自用還是搵外快呢？撇開炒賣 iPhone 搵錢不說，其實還有幾多人還對新 iPhone 有期盼，甚至有驚喜呢？昨日寫了篇文，有讀者說我是果粉不中立，其實筆者家中的 Apple 產品已經越來越少，手機電腦通通都用上 Google 產物。
1 分鐘速攻略！提升 AOS 搶贏 iPhone 6s / 6s Plus 全攻略
聽日下午 3:01pm 就係 iPhone 6s / 6s Plus 接受預訂的時間，今次碰啱係星期六而唔係 weekday，唔洗番工的 wire 民就可以舒舒服服安坐家中訂愛機。當然筆者知道唔少 wire 民都想買番部 iPhone 6s / 6s Plus 自用，但面對一大堆炒家 / BOT，可以點樣提高成功率呢？ Edward 就特別為大家準備了一份一分鐘攻略，令大家可以提升買到愛機的成功率。
9月迎月放風箏 ‧ unwire 週末好去處
籮文分享屋企「平砌」專業級 Home Studio – 音樂製作人／歌手第一步
音樂係生活中不可或缺嘅一部份，相信冇乜讀者會反對依句說話。好多人每日等車、搭車、甚至做緊野都會聽歌，但睇緊依篇文嘅你又有冇諗過只要少少錢，以後都可以喺屋企錄製自己嘅音樂呢？其實籮文平時都會玩下音樂，依家我就以新手角度由零開始，教你將屋企打造成入門級錄音室 Home Studio。
第一步 : 貼隔音綿不能解決問題
打造 Home Studio，首先你要有一個 Home。唔係廢話，我講緊嘅 Home 係一個適合改造為 Home Studio 嘅屋企。對於你自己黎講，你聽嘅音樂當然唔係噪音，不過對於你屋企人又或者鄰居黎講，你播或者唱嘅歌就可能係一個滋擾。所以建立你嘅 Studio 之前請先諮詢屋企人嘅意見，同評估一下被投訴嘅風險。
除咗你會滋擾別人，亦都要評估一下將來錄音時會否有太多躁音傳入屋企錄入咪中。你或者會話：「癡隔音綿未得囉！」，雖然隔音綿有一定嘅功用，但住宅本身結構就唔係設計俾你做 Studio，所以隔音效能唔會太好，就算貼隔音綿亦唔可以隔走所有噪音，除非為屋企進行隔音工程，隔音天花板、隔音地板、隔音牆、隔音門等，不過咁就唔係低成本啦。
如果你屋企真係唔符合以上資格，唔怕，一陣會話你知一啲折衷嘅方法（留意第六步）。另外你需要一張枱用黎放置你嘅裝備，而張枱當然要夠大放置所有你嘅設備啦，市面上都有一啲專門為 Studio 設計嘅枱不過就比較貴。而籮文張枱就係同朋友一齊去買木板黎砌嘅，當然價錢平好多，尺吋又可以度身訂造 Fit 晒自己間屋，如果各位讀者唔怕攰唔怕煩嘅話都可以試下自己砌呀！
▲專業的 Studio Desk
▲籮文啱啱搬入依間房嘅時候，Home Studio 1.0 只係用一張百幾蚊嘅摺枱臨時搭建而成
▲音樂嘅熱誠驅使我推啲木材推幾條街，真係要俾返個 Credit 影張相同埋幫我一齊砌張枱嘅好朋友 Szelong。（籮文 D.I.Y Studio Desk 成本：大約 $1,000）
第二步 :Mac 機真係好 D ？係真係好D !
第二步，就係要有電腦一部，好多人都會問用 PC 好定 Mac 機好，我就覺得事實上 Mac 機的確係比較適合錄音和音樂製作，除咗一般人所講，Mac 系統係比較穩定之外，很多音樂製作軟件都於 Mac 上有更好表現，而且 Mac 機附送自家嘅音樂軟件 GarageBand，對於新手黎講，又慳返一筆。當然，如果你本身係用 PC 嘅話問題亦都不大，只要你部 PC 唔係文書機，配置唔係太低其實都負荷得到普通嘅錄音製作。
籮文電腦 成本：$0 （依個時代係人都有電腦啦！）
第三步：認識音樂製作軟件（DAW）
硬件之外，軟件是不可或缺嘅一部份，音樂製作軟件（DAW） 即是 Digital audio workstation。業界最為人熟悉嘅錄音軟件係 ProTools，而編曲作曲時則多數人用 Logic Pro (For Mac) 、 Cubase (Mac & PC)和 FL Studio(PC)。不過以上嘅軟件售價由幾百蚊至幾千蚊不等，不少入門玩家都會被嚇怕，所以以下介紹幾款免費嘅音樂製作軟件俾各位讀者。Mac 用家當然建議使用跟機附送的 GarageBand，除咗因為唔使錢之外，GarageBand 其實係 Logic Pro 嘅簡易版，所以讀者用熟咗 GarageBand 之後嘗試向專業級進發轉用 Logic Pro 亦可以好快上手。而 PC 用家唔想俾錢嘅話我就建議用 Cubase 的免費試用版 Cubase LE，雖然功能上有限制，不過都夠新手使用。
▲Cubase（Mac＆PC）：PC 平台上業界使用率相當高的編曲軟件
▲Protools（Mac＆PC）：業界通用的錄音軟件
▲而籮文就係用 Logic Pro （Mac）（$1,588）
第四步：選購 Audio Interface
電腦內置嘅音效卡多數只係設計俾你聽歌用，電腦咪插內置音效卡黎錄音好易就會因為負荷過重而出現 Delay 甚至 Hang 機，而且錄音用的電容式咪高峰是需要供電的，所以一個 Home Studio 就需要 Audio Interface，簡單來講就係一個專門為音樂製作而設嘅外置音效卡。
入門玩家揀 Audio Interface 主要視乎音效輸入和音效輸出的數量，如果你多數都只會錄人聲，就只需要買有一個音效輸入插口的 Audio Interface，如果你將來會有各種樂器和人聲同時間錄音，你就需要有更多音效輸入插口的 Interface，以 Home Studio 黎講，輸出只需要一左一右喇叭輸出和一個 Stereo 的雙聲道耳機輸出就足夠。當然就算同樣的輸入輸出數量亦有級數和價錢的分別。
▲籮文用緊嘅 Focusrite Scarlett 2i2，好多入門甚至中階玩家都係用佢，特點係慳位，同埋價錢平（$1,650）
第五步： 咪錢唔好慳，唔係唱 K
Mic 主要分為兩種，分別是動圈式與電容式。雖然多數動圈式 Mic 價錢都比較便宜，錄人聲的話多數採用電容式，因為電容式 Mic 結構上有收音膜較輕的優勢，對聲音更敏感，接收聲音會更細緻。當然，如果新手們想再慳一筆，改為買動圈式亦都係一個辦法。買邊種 Mic 都好，記得買埋線材同埋 Mic Stand，如果用手揸 Mic 嘅好容易就會錄到郁動造成嘅雜聲，另外亦都可以跟據情況選購俗稱口水擋嘅 Pop Filter，而用途就已經可以從中英文名中可以估到，除咗擋口水之外，Pop Filter 就係用黎阻擋錄音時噴咪做成嘅 Pop Pop 聲。
▲Neumann 嘅 U87 電容咪可以話係錄音界嘅工業標準，各大錄音室都係用佢，Eason 隻碟 U87 就係以佢黎命名架啦！
▲貫徹懶嘅本性，籮文就買咗 Rode NT1，因為 NT1 係包埋 Pop Filter 架！（$2,380）
第六步：走味精的監聽喇叭／監聽耳機
普通電腦喇叭的音質多數都經過廠商調教和潤飾，用依啲喇叭聽自己嘅音樂可能會好聽啲，不過如果你 Send 俾其他人用另一啲喇叭聽嘅話，就可能會聽到一啲你聽唔到嘅瑕疵，所以音樂製作上我哋會有專用的監聽喇叭，以作 Edit 或者 Mixing 時監聽之用。
除咗喇叭，Home Studio 亦需要一對監聽耳機，因為錄音時，歌手要聽住音樂去唱歌，如果用喇叭播背景音樂，咪高峰又會錄到喇叭發出嘅聲音，錄出黎就當然唔好聽，嚴重時更會出現 feedback 情況，此外使用監聽耳機可以阻隔其他外來聲音，可以更加集中地製作你嘅音樂。
文章一開頭講到，如果屋企情況唔容許使用喇叭，監聽耳機就可以發揮重要作用，代替監聽喇叭之位置。可能你會話：「咁用耳機得啦，使乜買喇叭呀？」，咁全日戴住耳機耳仔都攰啦，同埋當你想同你 Home Studio 嘅訪客分享你嘅音樂又點呢，梗係有埋喇叭得閒焚下先爽啦！耳機同喇叭亦可以做到互相補位作用，讓你更加清楚聽到音樂內的瑕疵。
▲ 如果錄音界電容咪嘅工業標準係 U87，咁 Adam 絕對係監聽喇叭嘅大佬
▲ KRK 嘅 Rokit 5 亦係價錢較為相宜嘅好選擇，唔少 Home Studio 都可以見到依對好有象微性嘅黃色喇叭皮
▲而籮文就選擇咗依對 Monkey Banana 嘅 Gibbon 5，點解？因為貪佢有顏色得揀、價錢又平同埋個牌子名夠騎呢囉！（$2,760)
▲耳機方面，籮文就趁減價入手咗 Audio Technica 嘅 ATH-M30。（$700)
最後連成一線！
最後一步梗係將所有野連成一線啦！
▲ 可以參考上圖黎 Setup，日後仲可以加埋樂器，豐富你嘅 Home Studio
籮文 Home Studio 的成本：
枱－D.I.Y Studio Desk 成本： $1,000
電腦－：$0 （依個時代係人都有電腦啦！）
軟件－Logic Pro X：$ 1,588
Audio Interface－Focusrite Scarlett 2i2 ：$1,650
Mic－Rode NT1 ：$2,380
喇叭－Monkey Banana Gibbon 5 一對 = $2,760
耳機－Audio Technica ATH-M30 = $700
———–
總共：$10,078
踏上音樂之路
建立好自己嘅 Home Studio 只係音樂之路嘅第一步，以後有機會，音樂新手籮文會再為大家進一步分享一啲關於音樂嘅資訊，音樂人嘅專訪，或者有機會帶大家參觀一下一啲音樂人嘅 Studio，睇下人哋個 Studio 同你個 Home Studio 有咩分別嘅！
▲籮文 Home Studio 2.0 完成！
又一任天堂手機遊戲！《Pokemon GO》可於現實世界地圖捉小精靈
為進一步擴展遊戲市場，早前任天堂就宣佈會在今年起進軍手機遊戲，並且在上月率先推出《Pokemon Shuffle Mobile》。雖然該款遊戲只屬移植作品，但各位也不用太過失望，因為官方今日就發表了另一款手機遊戲《Pokemon GO》，而且其玩法更令人眼前一亮。 (閱讀全文…)
【萬聖節敢死隊】籮文+依莉詩率先試玩海洋公園哈囉喂 6大鬼屋
年年萬聖節，海洋公園、迪士尼甚至各大商場都變得鬼影幢幢，偏偏又會吸引大量勇士去挑戰。如果唔想浪費排隊時間，又想玩到最正鬼屋就記得留意 Unwire 啦！事關今年籮文同依莉詩組成【萬聖節敢死隊】，將會深入各大鬼屋，為大家報告情況。頭炮就喺海洋公園其中 6間鬼屋，我地搞到連襪都飛埋、碌埋落地，仲比條吹氣棒迎面扑，過五關斬六將架！！！
1) 15年驚異回魂
今年哈囉喂踏入 15 周年，如果之前無玩唔緊要，呢間就俾你一次過經歷晒過去 14年嘅「驚」典精華！由 2010 年代表作【幽靈遊樂園】中嘅巨型旋轉木馬開始，穿越迷宮一般嘅陰森領域。 2008 年【厲鬼村】嘅猛鬼電梯、2009 年【13 號差館】嘅鬼差館、2012 年【鬼魅冥婚大殿】嘅心寒婚禮都一一重現重現眼前。
位置：急流天地
開放時間：下午 1 時 – 晚上 11 時
依莉詩點評
海洋公園搞咗咁多年哈囉喂我都只喺去過一次，仲要只喺玩咗兩間無咁恐怖嘅鬼屋，今次入到呢間鬼屋真喺嚇到唔知發生咩事。最驚嚇喺有個位明明寫住「員工專用」以為安全，點知有隻鬼喺籮文背面。
驚嚇度 ★★★★★
必玩指數 ★★★★☆
籮文點評
老老實實，想懶係型扮晒勇敢，不過依個堅係驚驚地，雖然試玩當日嘅朝早做完 Apple 發佈會，差唔多冇瞓過咁滯，不過入到去俾啲鬼嚇一嚇真係醒咗啲。入面有幾款鬼俾我印象特別深刻，首先係一隻中國疆屍，喺一排唔識郁嘅疆屍之中無啦啦彈隻人扮嘅疆屍出黎，我都一早估到其中一隻係人扮架啦！（馬後炮）只係唔知邊隻先係囉，所以係驚嘅！另外有一隻戴晒金鏈又盛，造型好 Hip Hop 嘅小丑，好鬼型！
2) 生化突變大暴走（日）
全日祭同以前只有夜場最大分別喺某 D 鬼屋會由日間輕鬆嘅模式升級到夜晚嘅恐怖模式。而生化突變大暴走日間會有全長 40 米嘅充氣障礙賽道身高 1.2 米以上嘅小朋友可以以兩人對決嘅方式，跨越「攀石挑戰陣」、「無敵風火輪」等重重機關，一考身手。
位置：登山纜車廣場
開放時間：下午 1 時 – 下午 5 時 30分
依莉詩點評
講恐怖呢間鬼屋又真喺一 D 都唔恐怖，不過就好講體能。起初以為 for 小朋友玩嘅彈床應該好簡單，點知只喺第一關爬上去已經用晒 D 力。我喺呢度提提大家，一定要著對長襪先好去玩！
驚嚇度 ★☆☆☆☆
必玩指數 ★★☆☆☆
籮文點評
唔係呀嘛，依間都叫鬼屋呀？冇鬼架喎！不過真係好好玩，可以同對手一齊玩依個障礙賽，最爽係一開波爬完梯之後，瀡滑梯個 Part，速度感十足，好刺激！不過之後嘅障礙就有啲太簡單囉，志在彈下彈下同埋同對手鬥下快囉，不過我個對手（依莉詩）實在太弱啦，我玩完成個 Round，佢都未爬到上第一關，好無癮囉，不過入夜再去多次就唔同講法啦…
驚嚇度 ☆☆☆☆☆
必玩指數 ★★★★☆
3) 異種突襲大屠亡（夜）
日間嘅生化突變大暴走喺夜晚會變成異種突襲大屠亡，賽道上會多咗好多隻生化怪物嚇你，想避過凶猛怪獸突襲就要加快腳步啦！
位置：登山纜車廣場
開放時間：下午 5 時 30分 – 晚上 11 時
依莉詩點評
其實日夜差距唔會太大，所以我建議只喺排夜晚，刺激 D 又好玩 D。不過，本身喺彈床企穩已經唔容易，夜晚仲要多咗多鬼失驚無神彈出嚟真喺好易跌低，好彩因為安全理由 D 鬼唔會追住我，唔喺就唔知點算啦！
驚嚇度 ★★☆☆☆
必玩指數 ★★★☆☆ 
籮文點評
PR又帶我哋黎返依度，我心諗又玩多次？好囉，玩囉。玩到中間，嘩！有隻鬼彈出黎嘅！？真係嚇一跳，然後都係繼續跳。日間版本同夜間版本分別不大，只不過係多咗啲鬼嚇下你，同埋有燈光效果囉。咁俾我揀，我梗係揀夜晚玩啦！
4) 甜心蘿莉大宅 （日）
另一間會升級嘅鬼屋就喺甜心蘿莉大宅，日間去到呢間華麗大宅，不但有精美大廳、綠油油嘅溫室花園、掛滿各式蘿莉服飾嘅大型服裝間同公主式設計的可愛睡房，更會有甜心少女拎住手機同你大玩 selfie。
位置：動感天地
開放時間：下午 1 時 – 下午 5 時 30分
依莉詩點評
去鬼屋唔影得相是常識吧！而呢間就破天荒俾你任影，仲唔會嚇你添！岩晒鍾意自拍嘅我！雖然話燈火通明，不過要自拍得靚，最好就帶定個神燈去啦。
驚嚇度 ☆☆☆☆☆
必玩指數 ★★☆☆☆ 
籮文點評
各位男士，依間蘿莉大宅啲蘿莉有啲都幾靚女，陪女朋友入去搵佢哋影下相啦，女仔實好鍾意入面啲佈置同啲衫㗎… 啲蘿莉唔會嚇你嘅，不過佢哋會同你講「主人你返黎啦？～」，依個時候你就要驚女朋友呷醋，到時就驚嚇度勁過玩鬼屋。
5) 血咒哥特古宅（夜）
甜心蘿莉大宅喺夜晚會變得鬼影幢幢，由大舞廳走到房間，你更會發現甜心女保持青春嘅凍齡奧秘，竟然喺捉活人飲鮮血！
位置：動感天地
開放時間：下午 5 時 30分 – 晚上 11 時
依莉詩點評
呢間鬼屋日間同夜晚好大分別，燈光暗咗之餘，D 蘿莉由可愛變得恐怖。雖然日間去過一次已經知道 D 位點行，血腥蘿莉亦都唔太嚇人，但 D 機關偏偏喺以為可以鬆口氣嘅地方出現，真喺估佢唔到。
驚嚇度 ★★★☆☆
必玩指數 ★★★☆☆
籮文點評
入夜啲籮莉就變到血淋淋，仲會嚇你架添！哇巧驚驚吖！不過玩完日間版本就會大約知道啲鬼喺邊，變相夜晚玩會冇咁刺激，建議大家想比鬼嚇下，日間就去玩下過山車先啦。
6) 小南瓜糖果遊
岩岩講嘅未必岩小朋友玩，而呢個由南瓜妖怪打造嘅萬聖節迷宮，入面有好多有獎小遊戲，完成任務後更會得到繽紛糖果、朱古力餅同小禮物添！一家大小仲可以同造型趣怪嘅科學怪人、吸血鬼、殭屍同木乃伊齊齊扮鬼臉合照，為開心時刻留念。
位置：自然大揭秘
開放時間：上午 11 時 –晚上 11 時
依莉詩點評
全日祭之後，哈囉喂多咗好多歡樂元素，唔單止唔驚嚇，仲好岩小朋友玩，同妖怪玩完小遊戲就有糖果收，總算有個位可以抖下氣。
驚嚇度 ☆☆☆☆☆
必玩指數 ★★☆☆☆
籮文點評
好熱好曬好攰，我唔想影相，我唔要食糖呀，可唔可以快啲去下一間鬼房呀？！
驚嚇度 ☆☆☆☆☆
必玩指數 ☆☆☆☆☆
睇完呢 6間鬼屋，對於追步刺激嘅朋友可能會有少少失望，除咗 15年驚異回魂似樣 D 之外，其他都以歡樂為主。
不過唔洗心急住，下星期我地【萬聖節敢死隊】會再出發，同大家直擊連夏蕙 BB 都玩嘅 H15 同埋 以 The Walking Dead 為藍本嘅逃出陰屍路，記得留意啦！
可當三腳架使用！日本 Thanko 推出平板專用自拍神棍 TABLSEL3
與智能手機一樣，目前不少平板大多都配備前置鏡頭。雖則平板的前置鏡頭大多都只供視像通訊之用，而甚少會有人用來自拍，不過世上總會有人有別於一般人。而為了顧及喜愛用平板自拍的少數人士，最近日本 Thanko 就推出了一款平板專用的自拍神棍，不過除此之外，其實它還有其他實用功能。 (閱讀全文…)
Google 終於出手？用 AdBlock 上 YouTube 即不能略過廣告焗住要睇晒
現時上 YouTube 睇影片時，最麻煩的地方是播放之前會先彈出一段廣告，雖然一般情況下隔幾秒就可選擇跳過，但不少人卻總是急不及待，並利用 AdBlock 這個程式去阻止廣告彈出。不過對於依靠廣告收入的 Google 來說，這種程式絕對是一大威脅，有見及此，最近他們似乎便開始對所用 AdBlock 的用戶出招。 (閱讀全文…)
16/9 開始又要鬥快 F5？網傳 Apple 仍設 iReserve 訂 iPhone 6s / 6s Plus
之前一直傳聞 Apple 今次開售 iPhone 6s / 6s Plus 會採用類似 Apple Watch 的長開長賣模式，但剛剛有網友 Clinton 報料，指出今次 Apple 仍會設有 iReserve 供大家即日係 Apple Store 拿機，而且日期更是 9 月 16 日！雖然未知真假，但看來想入手 iPhone 6s / 6s Plus 的 wire 民除了聽日下午 3 點要捕住 AOS 之外，下星期三都要捕住係咪真係有 iReserve 啦！
帶妖魔大軍取西經，手機 MOBA 遊戲《亂鬥西遊》試玩
topic: 帶妖魔大軍取西經，手機 MOBA 遊戲《亂鬥西遊》試玩
中國年中推出不少手機遊戲，當中其實不乏好作品。例如這款《亂鬥西遊》，它在年前於中國推出，及後亦有台灣代理名為《鬥陣英雄》，令不少台灣玩家沈迷其中。最近《亂鬥西遊》正式由 FunPlus 取得港澳馬代理並在 Google Play/App Store 上架，有繁中之餘也能有流暢的連線對戰了，以下為大家介紹一下：
一 Book 兩用！Dell 新 XPS 13 工作娛樂好拍檔
話咁快暑假又已經完結，相信有不少大、中、小學生已經開始返學、返工，可能還有打工仔轉工迎接新挑戰。正所謂「工欲善其事，必先利其器」嘛，現在無論讀書還是休息，最好都是有「一 Book 旁身」－ 講緊嘅係一部配置夠勁又輕便的 Notebook，等你可以輕鬆拎住四圍走。好似小編既工作就是隨時隨地打稿執相，回到家就聽下歌或者煲劇，唔知有無一部 Notebook 滿足到我既要求呢？
豐澤時代廣場旗艦店 4 大重點影音友必睇
話說艾域平日走入大大小小的商場時，雙腳總是無法避免地行進大型電器連鎖店，雖則好多時都只是「攪攪震無幫襯」，但就勝在可以一次過能夠睇足各式各樣數碼以至家電產品。
豐澤座落時代廣場的分店早前來了一個大革新，除了由 7、8 樓搬上 8、9 樓之外，亦成為該大型電器連鎖店的全新旗艦店，當中更有 4 大重點展區，值得本地一眾影音友前往一遊，究竟是甚麼？就由艾域帶各位 Wire 民深入探究一下吧！
KEF 店中店 最新聽歌睇戲體驗任聽任試
作為影音友，KEF 這個品牌你總會認識吧！ 在豐澤旗艦店 8 樓，KEF 就設有專屬「店中店」，內裡設有兩個影音體驗專區，幾乎集齊該品牌所有主要產品，由耳機到不同系列的喇叭都有呢。
LG 105 吋激大電視 唔買都睇下
以前如果想玩大畫面，各位 Wire 民第一時間都應該會聯想到投影機，但其實當下不少廠商都有推出超大尺寸電視機。豐澤時代廣場旗艦店 8 樓正中心就全港獨家展示 LG 這部 105 吋 21：9 超高清電視機 105UC9，機價盛惠 $888,000 當然係好誇啦，但既然有得公開體驗，真箇是「唔買都要睇下」啦。
科技之樹 最新科技集中地
除較為傳統的家庭影院及電視產品之外，豐澤這間旗艦店還設有一個名叫「科技之樹」的展區，會定期引入最新最頂尖的科技產品。
行到攰玩到攰？咖啡悠閒區休息一下吧
意大利全自動咖啡機品牌 Delonghi，亦在這間豐澤旗艦店設有「店中店」，展示各款咖啡機。豐澤亦使用該品牌的咖啡機，在 9 樓付款處旁設立咖啡悠閒區，讓大家在查詢或付款期間，可以隨時享受即時炮製的咖啡，以及使用 Wi-Fi 連線上網查詢各種資料，值得一讚。
豐澤旗艦店仲有乜睇？
除影音友之外，豐澤旗艦店對於一眾電子產品愛好者甚至普羅大眾，其實一樣有不少特色「景點」可以一逛。
艾域：「豐澤旗艦店空間感強又易行。」
走入時代廣場豐澤旗艦店，雖然兩層總面積與未裝修前大致相同，但艾域感覺新旗艦店確實開揚光猛了不少，空間感亦比豐澤以至其他傳統大型電器連鎖店強，行得頗為舒適。
另一方面，由於產品陳設分類較以往清晰而集中，而且沒有太多大型產品展櫃，要體驗產品時亦顯得更為自由。若今個週末途經時代廣場，亦不妨走入這間豐澤旗艦店體驗一下啦。
日本 Suntory 廣告有創意！43 人拋銀仔合奏莫札特首本名曲
講起提神飲品的種類，相信應該不會有國家及得上日本那麼豐富，單是看到日本人工作及讀書的認真程度，就知道他們又幾大壓力。最近日本飲品品牌 Suntory 為強調旗下的 Regain 提神飲品到底如何增加飲用者集中力，就特別拍攝了一條宣傳片，當中可以看到 43 人合作拋銀仔去演奏莫札特的作品！ (閱讀全文…)
唔怕插頭頂住隔離！日本 Sauwa Supply 推出可隨意屈曲拖板
日常生活中不論在家居或辦公室中，相信大家經常都會用到拖板這種產品。不過一般拖板普遍都存在一個缺點，由於上面的插座位大多都是固定好，因此若然使用的插頭體積較大，就可能會同時佔用旁邊的插座。有見及此，最近日本廠商 Sauwa Supply 就推出了一款可屈曲的拖板，能夠避免上述的情況發生。 (閱讀全文…)
四舊水有找！傳 Amazon 年尾將推出全新 6 吋超平價平板
揉合中醫學，外媒報導 7 種免食藥治頭痛方法
不知各位讀者會否經常頭痛，筆者本身長期對住螢幕又夜瞓，經常都會有頭痛問題。起初吃必理痛，到後來無用要轉吃特強止痛素，想想也不是辦法。最近就看到一篇外媒醫治頭痛的方法，有幾招筆者都會不時用到，以下與大家分享：
影評《移動迷宮：焦土試煉》 – 當移動迷宮轉向不動的焦土世界
距離第一集 Maze Runner 剛好一年，再度在九月推出的續集《焦土試煉》剛剛亦都上映；上集評價實在好壞參半，而筆者既不愛也不恨，抱著觀望的態度進場看第二集。原本會以為跟其他 teen fiction 改編電影如 Hunger Game 一樣：第一集是最精彩的，其後就每況越下。而續集《焦土試煉》卻打破了筆者這個刻板印象，想知道為甚麼當然要繼收看下文了！
艾域：「神奇 USB 手指 ? 真係靚聲咗 !」AudioQuest JitterBug USB 雜訊過濾器評測
若果當下你手上有 $560 元，你可選擇去食餐較為平民的自助餐、買兩件靚衫、請埋朋友去睇場 IMAX 戲，或者買兩隻 Blu-ray 歸家欣賞，不過艾域早前就用了這筆錢，「搶得」一件影音小補品 — AudioQuest JitterBug。點解用「搶」這個字，因為這支 USB 數據及電源雜訊過濾器，首批到貨已經被發燒友全城熱搶，究竟它有何魅力？就讓我在此為各位 Wire 民詳細拆解吧。
不是空談 , 原理很「科技」
好多 Hifi 補品都說得自己很神奇，但其實「吹水」成份多過實際功效。這支「USB 手指」就不一樣，其實早在 6 月底 AudioQuest 發布旗下首款耳筒 NightHawk 時，艾域已經搶先體驗過 JitterBug 的實際效果，當時已經決定正式推出時必定入手。究竟這隻 JitterBug 甚麼葫蘆賣什麼藥呢？據廠方表示，所有電腦、智能手機、NAS、多媒體伺服器，天生都會產生大量雜訊及寄生共振（Parasitic Resonance），當中電腦更會產生相當數量的 RFI（無線電干擾）及 EMI（電磁干擾），然後通過 USB 接線干擾你的音響系統，令聲音變得扁平、失真較大。為解決這些雜訊及干擾問題，JitterBug 內部就設有兩組分立式降噪線路，能夠分別降低 USB 介面內數據傳輸及電源兩方面的雜訊，從而降低影響聲音細節及動態的「時基誤差」（Jitter），以及做成失真的「數據封包錯誤」（packet errors）。
連 Macbook Air 輸出都靚左
說了這麼多背後技術概念，但作為影音愛好者總會有一句嚴守的格言：「耳聽為實」。艾域夠膽大聲講一句，不論用於家中音響還是便攜裝置，JitterBug 的改善效果同樣立竿見影！艾域首先嘗試使用 MacBook Air 作為訊源，再將 JitterBug 配合 QED Performance USB A-B Graphite 接線，連接至設有 USB DAC 功能的 Oppo BDP-105D 播放器，最後以 Canare XLR 線接駁到 Audiolab M-PWR，驅動 Q Acoustics Concept 20 書架喇叭。
非發燒碟都有大改善
由於自己不太愛聽發燒音樂，因此揀選了陳奕迅《深燒》16bit/44.1kHz ALAC 音樂檔來作試聽歌曲。比較使用及不使用 JitterBug，個人覺得在不使用時，歌曲中 Eason 的人聲明顯變得較薄而鬆散，聲音細節亦不及使用時豐富，樂器線條也會變得較為模糊不清。當在電腦接駁 JitterBug 之後，聲音的背景明顯變得更為寧靜，而音樂感亦會更濃，改善效果十分明顯。
手提解碼耳擴最 Match
除了在家使用之外，若果閣下擁有便攜耳擴，JitterBug 亦一樣用得著。艾域試過在 iPad mini 平板電腦及 Teac HA-P50 便攜耳擴之間加入 JitterBug，再以 v-moda xs 耳筒試聽 Tidal 串流平台的無損歌曲。與未連接時比較，加入 JitterBug 時的聲音包括人聲、樂器聲都明顯變得圓滑，雜訊帶來的毛燥感亦有所減少，整體動態加強不少，聽感與在家中試聽時一樣有顯著提升。
艾域：「見到有貨就要即買啦。」
正如開首所言，JitterBug 這件小補品著實是甫推出就已被熱搶，而艾域在實測之後也認為它的實際改善效果確實明顯，再加上價錢並不昂貴，若你有使用 USB DAC、座檯或便攜耳擴、串流音樂播放器，甚至設有外置硬碟擴充的 NAS 裝置，當在店舖見到 JitterBug 有貨時，建議真是買定一支傍傍身了。
Instagram 推出全新 30 秒廣告計劃搵錢
如果你有 Follow 明星偶像 Instagram 帳號的習慣，大概已經見慣他們每次上載相片，就會被大量交友、瘦身、波鞋廣告留言洗版。將來在 Instgram 見到廣告的機會將會越來越多，因為 Instagram 的廣告計劃將會開放至全球 30 多個國家。
