電動車於世界各地都開始普及，但係正所謂「功欲善其事，必先利其器」，可惜香港嘅電動車充電站寥寥可數，的確會令唔少電動車準車主卻步。不過相比起傳統入油的汽車，電動車的電費開支不但遠低於入油，正式「行得愈多愈抵」，而且現時特區政府更加豁免電動車輛的首次登記稅，養車的成本自然慳得更多！平時為駕駛人士提供隧道自動繳費嘅快易通(Autotoll)最近亦提供全新的電動車充電站服務，等籮文帶大家去睇睇!
3步驟簡單易用 ! 4 台快充 + 3 台標準充電站
岀面啲充電站一般都只得兩三個充電位，車主往往要排隊等好耐，遇著急要充電真係幾頭痛。而呢一次喺何文田半山壹號嘅全新電動車充電站足足提供多達 7 個充電站及車位，當中 3 個是標準充電車位（即單相 32A充電器），更有 4 個則為快速充電車位（提供三相 32A 充電），車主可以視乎愛驅支援性而選擇合適的車位，快快趣搞掂開車鬆人，節省時間。
▲呢個就係位於何文田半山壹號 Autotoll 提供的全新電動車充電站啦!
▲《起駕VGo》提供駕駛及生活資訊、並附有手機支付功能的應用程式，要使用快易通戶口扣數就更加方便快捷。
充電 Step by Step
Step 1：接駁至充電站插座
▲泊好車，第一件事當然要將充電線由充電站接駁到車身的充電頭啦。
Step 2：掃描 QR Code，開始充電
▲然後打開由快易通研發的《起駕VGo》手機 App 上顯示的 QR Code 並放到掃描器底下，掃描成功後，插座就會自動鎖上並開始充電。
Step 3：結束充電，查詢餘額
▲如要結束充電，只需要再掃描 QR Code，插座就會解鎖。充電結束時就可以自動從快易通戶口扣數以繳交充電費用，同時可以從充電站屏幕查詢戶口餘額等訊息，一目了然。就係咁簡單，過程方便快捷唔使1分鐘！
多款電動車都合用
快易通早前喺半山壹號住戶停車場推出電動車充電站服務，特別邀請了不同界別的特別嘉賓，主持了一場隆重的啓動儀式，場面非常熱烈！現在，住戶只需下載《起駕VGo》手機應用程式就可以為愛車充電，活動當日上還展出了多款熱門的電動車，包括 Tesla Model S 、BMW i3、Volkswagen eGolf、Renault Zoe及 Audi A3 e-tron 混能車等等，難得可以見到多款不同品牌的電動車聚首一堂呢，成功吸引不少住客及車迷捧場！
▲啟動儀式現場展出了五大電動車汽車品牌：Audi、 BMW、Renault、Tesla 及 Volkswagen 多款熱門嘅電動車。
▲(左起) 九龍城樂民選區區議員楊永杰先生、環境保護署高級環境保護主任梁石平先生、半山壹號業主立案管理委員主席陳俊偉先生、高衛物業管理公司總經理史永聯先生、快易通有限公司行政總裁鄭小雄先生主持啟動儀式。
▲當日到場嘅賓客們當然把握機會大談「車經」啦。
配合一站式《起駕VGo》手機 App 駕駛更有樂趣
其實《起駕VGo》呢個手機 App 唔只可以用黎俾充電費，仲包含咗唔少有用嘅駕駛資訊、導航、手機購物、快易通帳戶管理等對於駕駛者相當實用嘅功能。而充電站除了半山壹號之外，元朗 Yoho Mall 亦提供同樣服務(詳情)，雖然籮文我仲未有錢買車住，但希望充電器擴展到全港九新界「梗有一個喺左近」，配合返電動車喺香港嘅迅速發展，咁全港各位電動車車主就有福了！
IOS 版：下載按此
Android 版：下載按此
記者籮文即席示範使用充電站服務：
分享到 :
最新影片
