昨日年三十下午，Edward 已為大家帶來過「遲來的錶王」Moto 360 的手初步手感分享。但用起來的感受又如何？Edward 今日年初一出去拜年，就全日用過呢隻智能手錶，就等我而家同大家分享一下用過一日的感受吧！
設定如出一轍
Moto 360 既然係 Android Wear 一員，它的設計其實同其他 Android Wear 智能手錶都無乜分別，就係大家要先係手機下載 Android Wear 程式，然後先係手錶設定語系（可惜無中文，只能設定英文），再透過指示一步步以藍牙接駁手錶及手機就可以了，全程都唔洗 3 分鐘。
▲開啟 Moto 360 電源後，首先設定語系，可惜係無中文，相信大家都會設定 English（United States）或者 English（United Kingdom）吧。
▲然後手錶會提醒大家在手機安裝 Android Wear 程式。
▲安裝後，記得開啟手機藍牙傳輸，然後選擇 Moto 360。
▲然後在手機及手錶都會出現一個配對碼，兩個都按接受就可以了。
▲接駁成功，用得了！
可自設錶面好好玩
同其他 Android Wear 有啲唔同，其他 Android Wear 手錶，最多只可以係 Android Wear 入面揀既定的錶面；而 Moto 360，只要大家同時安裝 Motorola Connect，除左可以有更多錶面揀之外，仲可以自行設定錶面，建立屬於自己的智能手錶！至於建立步驟，大家可看下面圖解：
▲下載 Motorola Connect 後，就可以睇到 Moto 360。點按 More detail 進入設定，再按 Watch faces 下的 Customize 就可以設計錶面。
▲本身已有唔少錶面可供大家選擇，而且唔少錶面都可以俾大家進一步 Customize 個人化。
▲想自設錶面，可以揀 My Design 再點選 Customize。
▲之後就可以加入自己喜歡的相片，然後錶面所有元素，大家都可以按個人喜好設定。完成後點按 Update 就 OK 了。
可視角度高！太陽底下都睇到
設定完成，就等 Edward 分享一下使用的感受吧。首先講的是錶面顯示，Edward 試了一日，發覺 Moto 360 所採用的 1.56 吋 LCD 背光熒幕，亮度算是幾高，無論是在室內定係係太陽光下的室外，都可以清晰睇到熒幕顯示，咁大家係室外用個時就唔洗再用手掌半遮住個熒幕，都可以睇到訊息啦。另外，熒幕顯示的可視角度都算幾高，就算側面睇都可以清晰睇到。
▲Moto 360 的熒幕顯示，質素算係唔錯。
▲可視角度幾高，側面睇都可以清晰睇到熒幕顯示。
▲即使係室外太陽底下睇熒幕，都可以清晰睇到顯示。
語音辨識效果時好時壞
眾所周知，所有 Android Wear 智能手錶，都係主力用語音操控手錶，所以語音辨識表現，對於一隻智能手錶係使用體驗上的好壞，真係好重要。Edward 試過 Moto 360 一日，可能小編半咸半淡的英文咬字唔夠清晰吧，所以感覺辨識表現只屬一般，有時可能講得快得滯，又或者唔夠清，所以都間唔時會出現「Didn’t catch that」的回應，有時一個指令甚至要講 5、6 次 Moto 360 先知道 Edward 想下達什麼指令。這個表現，確實令 Edward 感到有點氣餒……
▲有睇前文就知道，Moto 360 的收音咪位於錶身左側，不過 Edward 試過，如果太接近咪講指令，可能會出現辨識問題的。
▲配合 Motorola Connect 入面的 Moto Body Profile，可以用 Moto 360 內建的心跳偵測器及計步器，計出 Edward 的即時心跳及今日已行步數。
▲Moto 360 的心跳偵測器就位於錶背中央位置。
▲不過可能 Edward 英文水準不高，所以指令講得快啲就會出現上圖這個情況……
總結：自設錶面幾好玩，但都係錶一隻..
整體來講，Moto 360 試用起來，其實同其他 Android Wear 手錶分別唔算太大。但對於 Edward 來講，一來外間評價頗高，二來自己對 Moto 360 的期望也確實頗大，但實際試用後，感覺又好似另一回事：不是說 Moto 360 表現唔夠好，只係感覺到「咪又係另一隻智能錶」。唯一令 Edward 覺得驚喜嘅，就係 Moto 360 可以讓用家自行設計錶面，令手錶設計可以進一步個人化，呢個功能真係值得其他錶廠效法！
售價：$2,198
查詢：Brightstar Asia Limited（2980 8088）
分享到 :
最新影片
