如果你想買 Apple Watch，最平可以揀 Sports 版，雖然支援生活防水同埋入門門檻低，不過就膠感少少重；而最貴可以揀 Edition 版，係就係靚不過唔係人人買得起。所以相信最多人揀，應該係一般版 Apple Watch。報告完 Sports 同埋 Edition 版，究竟普通版 Apple Watch 用落又點？就等小編 同大家講講。
鋼錶帶是王道‧戴起來幾靚
其實之前都提過 Edition 版的造工唔錯，實際上普通版 Apple Watch 錶身都係用 316L 不銹鋼金屬做，雖然無 18K 金、玫瑰金咁妗貴，但造工都幾靚，而且上手手感點都好過 Sports 版。另外，錶帶方面都有唔同款式俾大家揀，小編 最鍾意就係錶鏈帶的版本，唔止戴落唔會好似其他金屬錶咁錶帶夾住啲手毛，而且同不銹鋼錶玉都最襯，雖然售價就貴少少（連 Apple Watch $7,388 起），但就襯好多囉！如果嫌呢款貴，其實都可以考慮平少少的鋼織手環，雖然高貴感無錶鏈帶咁好，但始終係金屬錶帶，戴上手手感都唔差，而且仲易戴啲添！加上連 Apple Watch 售價都係 $5,088 起，affordable 好多！
▲Apple Watch 配鋼錶帶其實幾靚，有少少精工錶的感覺。
▲鋼錶帶有兩款：左方的是較貴的錶鏈帶，而右方是便宜一點的鋼織手環，而手感當然係前者較好。
▲鋼織手環感覺都算唔錯。
▲但當然錶鏈帶感覺更勝一籌，而且唔會夾手臂上的小毛呢！
▲不銹鋼錶玉加上鋼錶帶，加埋錶玉背的感應器，真係好襯。
驚墜手建議用皮錶帶
正如之前 Edition 版介紹個時都提過，Apple Watch 本身始終用金屬製錶玉，所以點都有一定「分量」，戴上手墜手係少不免。如果是女士用家驚墜手的話，可以考慮揀皮錶帶，如果想平平地玩玩，$5,088 連 Apple Watch 的黑色經典扣式錶帶手感已經唔錯，有 budget 又想易戴錶啲的，仲可以考慮 $5,488 連 Apple Watch 的淺棕色皮革手環，個手感仲正啲添！
▲這款是最入門的皮錶帶，手感已經算唔錯。
▲如較有預算可以考慮買上圖左方配備時尚圈扣的錶帶款式，同尺寸比左方貴 $800。
▲如果想易扣可以考慮呢款皮革手環。
▲所有 Apple Watch 款式均有陳列出來。
售價：$4,288 起
查詢：Apple（800 908 988）
相關文章:
【實測】Apple Watch 即時翻譯旅行超方便 20 多種語言任選 + 即時出翻譯結果 Apple 為 Snoopy 迷送上聖誕禮物 Apple Watch 錶面和 Apple TV 4K 螢幕保護程式 網傳小米正研究方案 讓 Android 手機能對應 Apple Watch
分享到 :
最新影片
