之前同大家報導過，巨型 Gundam 展覽會係 8 月重臨香港，而自護軍組件昨日就陸續經過香港各地，最終亦抵達時代廣場。今日展覽部分展品已砌好，就等 unwire 帶大家去現場睇睇啦！
首先時代場外的鐘樓，就率先出現呢款綠色渣古 MS-06F II，它的紅眼睛仲會發光，好型呀！
至於另一款已砌好的展品，就係位於時代 2 樓室內大堂的 1：3 飛翼高達（Wing Gundam），成 9.8 米高，掛在空中好似係度飛緊咁，都係好型呀！
其實今次的兩件展品，只係其中一部分，重頭戲，包括：全球最大聯邦軍 1：3 RX-0 獨角獸高達（Unicorn Gundam）都未見，聽聞呢款高 7.5 米的 Gundam，足足用咗 1 年時間製作！而且屆時仲會有「獨角獸高達燈光匯演」，每日 6pm 至 10pm 每半小時進行一次 4 分鐘的表演，會配合時代廣場的大電視上的影片、燈光及現場聲效煙效，令大家猶如置身 UC 宇宙世紀地球聯邦軍同新自護軍的戰場哦！真係好令人期待呀！！
開幕禮將會係 8 月 1 日舉行，屆時就等 unwire 同大家一齊見證新自護、聯邦軍殺入香港啦！
Bandai 食玩樂園登陸葵芳 G-FRAME FA風靈彩透 + MJ GUNDAM SP版 《高達 SEED FREEDOM》 香港上映日期 + 宣傳海報 《GUNDAM Breaker4》今年登場 特典版情報全公開
