每次介紹電動單車，筆者都很想可以寫評測。試想想可以擺脫每日返工放工迫地鐵迫巴士，又毋須每月付幾千元泊車，利用電動單車代步，其實好爽好舒服，兼且令身體健康又環保。可惜每每寫電動單車都令我好沮喪，因為讀者留言總是「政府唔容許，介紹嚟為乜？」。
介紹有趣有型的新產品是筆者的目標，近年的電動單車不再是單車加個摩打和電池般簡單，添加智能元素可以計算最佳的路線，又有防盜、社交等元素；部份電動單車結合電單車概念，續航距離更遠，速度更快，亦更適合作城市內中距離使用。和之前的 Segway 和最近的小米「九號平衡車」一樣，偏偏永遠只是有得睇冇得試，十分無奈。
一句「官到無求膽自大」，筆者才知道香港的官員們原來可以好勇猛。既然這麼大膽，有這麼多議員為政策護航，除了硬推有爭議的議案，何不考慮其他和民生有關，但又不涉及政治爭議的議題，例如想想將電動單車、小型電動車合法化？