你跟同事嘅關係係咪唔錯呢？平時溝通都冇乜大問題？做野都幾順暢丫～但你可能唔知其實語言危機四伏，隨時因為你講左幾個常用字而令關係出現裂痕！而呢幾個字就係…
1．…不過…（Except）
你以為自已好醒，為左令同事感覺良好，睇完佢地份工作之後，無論佢做成點，有冇野需要改，你都話：「做得幾好/大致上冇乜問題/得架喇…」以表 Appreciation，但好可惜你係大多數時候都會繼續講：「不過呢…」嘩，簡直一盤冷水照頭淋，而同事亦都會即刻準備接招，心裡 OS 說：「來吧，盡情蹂躪我吧！」
你可能真心覺得先讚後彈係一種好好的溝通方式，但要同事一剎那經歷「來回地獄又折返人間」，心理負擔其實都重。下次你不妨直接啲同佢地講：「我睇左你份野喇，如果 ABC 要點點點做的話，睇落會更好。」咁樣中性啲的表達反而更好。讚就讚、彈就彈，唔好模棱兩可，好難捉摸架嘛！
2．問題（Problem）
工作上有好多問題要解決，好正常，本來工作就係來解決問題的，我唔係叫你唔好用「問題」呢兩個字，而係你應該先搞清楚究竟你遇到的「問題」係「你的問題」還是「工作上的問題」。如果你三不五時就同你條 Team 講你遇到的困難、要求協助，咁會令人覺得你自己都顧唔掂，未 ready 做 leader，遇到新的機會的時候，好可能就錯失了。
所以當遇上困難的時候，除非真係「危急」要搵人幫手，大多數的時間，你最好同同事講下你做緊啲咩，brainstorm 下啲想法，等大家都知你面對緊的情況，而唔係臨時拉夫搵人黎幫手。
3．好趕（Urgent）
如果真係時間不多，奪命追魂，你用「好趕」呢個字，只會令人更加緊張同恐慌。如果真係咁趕，你就唔應該再坐視不理，而係馬上打個電話、見個面，處理左件事佢。
況且，有聽過《狼來了》的故事都知，當一件事係趕，兩件事係趕，第三件都趕的時候，人就開始麻木，唔再緊張，對於「趕」的程度會自動下調。尤其是 Email 入面，你發現個個 Subject 都 [Urgent] ，其實好虛，你會自動無視佢。反而你寫 [Today] 的話，因為時間非常明確，你知道要今日處理左佢，行動力會上升。
4．等陣/唔好住（Wait）
當你聽到人講「唔好出住！」，正常你都停一停手，出左有咩事咪死？所以你講「等陣/唔好住」係非常容易得到人地注意。但要留意，你仍然係要俾充足及清晰的指示同事等佢知道要點做架，嚇完佢之後又唔講想點，同事停晒手係度，想點啫？
正所謂人嚇人冇藥醫，唔好再令你的同事每日係公司坐「心情過山車」喇！
來源：Mashable
分享到 :
最新影片
