夏天到，一著背心 bye bye 肉就無所遁形，係時候做下運動減下肥。不過講就係咁講，平時咁忙又邊有時間做運動。最近我就發現咗個會震的啞鈴，好似話每日係辦公室或者屋企做十分鐘就可以收手臂，於是我依莉詩就借咗番嚟試真啲！
每日 10 分鐘甩走蝴蝶袖
正確同持續利用啞鈴做運動可以雕塑線條應該係人都知的事，咁呢個 VIBELL 塑體鈴又有咩特別呢？主要就係因為佢有震動功能，除咗可以單純當作啞鈴，做手部肌肉的雕塑，配合每分鐘高達1350 轉的震動，對手臂肌肉產生強勁而細微的震動訓練，進而達到消除脂肪的效果，即係話呢個啞鈴可以比你瘦到更快。官方就建議每週真使用超過 4次，每次震動訓練 10分鐘就先可以提高基礎代謝率。比起平時的啞鈴，呢個可以話係懶人版。
▲一般女生可用每邊 1~1.5 公斤的普通啞鈴作訓練，而呢個塑體鈴只有 1公斤，拎上手其實已經好輕，不過因為會震，舉起時就覺得更輕，更輕鬆。
▲ 比起普通啞鈴的黑、銀色，塑體鈴的 Tiffany Blue 同流線型的設計，就算平時唔做運動的女仔都會鍾意。
震動同時消除肌肉痠痛
亦因為塑體鈴有震動功能，所以除咗運動仲可以當做震動按摩器來使用。如果對電腦對得耐可以放係肩頭，著高跟鞋著得耐可以放係小腿，都可以作按摩之用，消除肌肉痠痛。所以做算買咗番嚟最後無恆心做運動都好，都起碼唔會放埋一邊就算吧！
▲ 電動震動的開關按扭設計係塑體鈴的底座，按一下即打開電源，再按一下就能調整震動強同弱兩種震幅。 
依莉詩：「識震嘅啞鈴好奇怪」
呢個塑體鈴的顏色同流線型設計好唔似普通啞鈴，就算平時唔做開運動的我都被吸引到。1 kg 的設計唔算重，好啱初學的女仔，加上佢震動功能可以係分散注意力，舉起時就覺得更輕，更輕鬆。可惜借番嚟的時間唔耐，無得實測，比唔到效果大家睇。不過，如果真係好似官方咁講可以更快消除脂肪都唔錯。另外，好似我呢 D 懶人最怕就係買咗舊嘢番嚟又無恆心每日做運動，而塑體鈴的震動功能，所以除咗運動仲可以當做震動按摩器來使用，咁懶極都起碼有 D 用吧！
售價：$448
查詢：JC Shop
地址：觀塘創紀之城 5 期 apm 商場 L1-23 號 (3148 9455)、銅鑼灣 wtc more 世貿中心 408 號舖 (3102 2783)
分享到 :
最新影片
