作為球迷，相信大家都知道兩個頂級歐洲盃賽，即是歐洲聯賽冠軍盃（簡稱：歐聯）及歐洲霸者盃（簡稱：歐霸）的 4 隊決賽隊伍已經揭曉，而作為皇馬、馬體會、利物浦及西維爾的支持者，家中又無裝收費電視的話，可能已經煩緊要點先睇到決賽直播。但今年大家唔洗煩啦，因為英國的 BT Sport 決定在 YouTube 免費播放兩項盃賽的決賽，大家透過 YouTube 就可以免費睇到！
當然，各位香港的球迷也不要太快開心住，因為始終播映權在英國的 BT Sports 手上，現在仍未知道他們會否封鎖只限身處英國的網民才能收睇，但理論上應該未必會作如此限制的。如果最終可以免費睇，相信這 4 隊的球迷，應該會超級開心吧，因為可以在家中買定薯片花生啤酒汽水，同朋友一齊見證愛隊捧盃一刻，唔洗出街同人鬥迫，爽呀！
最後提提大家，歐霸的決賽將會在香港時間 5 月 19 日凌晨上演，而歐聯決賽就會在香港時間 5 月 29 日凌晨開波，唔好記錯時間哦！
來源：BBC
