新一齣 Star Wars 就快上影,依排宣傳攻勢都好密集,今次 HP 就同 Star Wars Cross-over,推出別注版筆電。係 Star Wars 迷嘅你一定要繼續閱讀以下文章!
![StarwarsXhp91](https://cdn.unwire.hk/wp-content/uploads/2015/11/StarwarsXhp91-694x462.jpg)
機身靈感來自銀河帝國
一睇就知依部 Star Wars 別注版筆電飽經戰爭風霜啦,機面有撕裂圖案,鉸位有 Star Wars Aurebesh 字型印製「Galactic Empire」字樣,鍵盤手枕位印上白兵頭像。如果你唔係 Star Wars 粉絲,或者你會以為 Touchpad 上圖案係冇特別意思,原來靈感源於 X-Wing Star Fighter Guidance System 的瞄準系統,鍵盤仲有紅色背光。唔同其他產品只加一兩個 Logo 或圖案,依部別注版筆電就顯得分外認真,徹頭徹尾係一部 Star Wars Notebook。
![StarwarsXhp48](https://cdn.unwire.hk/wp-content/uploads/2015/11/StarwarsXhp48-694x462.jpg)
▲一睇就知依部 Star Wars 別注版筆電飽經戰爭風霜啦,機面有撕裂圖案
![StarwarsXhp45](https://cdn.unwire.hk/wp-content/uploads/2015/11/StarwarsXhp45-694x462.jpg)
▲鉸位有 Star Wars Aurebesh 字型印製「Galactic Empire」字樣
![StarwarsXhp44](https://cdn.unwire.hk/wp-content/uploads/2015/11/StarwarsXhp44-694x462.jpg)
![StarwarsXhp50](https://cdn.unwire.hk/wp-content/uploads/2015/11/StarwarsXhp50-694x462.jpg)
▲鍵盤手枕位印上白兵頭像
![StarwarsXhp69](https://cdn.unwire.hk/wp-content/uploads/2015/11/StarwarsXhp69-694x462.jpg)
▲如果你唔係 Star Wars 粉絲,或者你會以為 Touchpad 上圖案係冇特別意思,原來靈感源於 X-Wing Star Fighter Guidance System 的瞄準系統
![StarwarsXhp71](https://cdn.unwire.hk/wp-content/uploads/2015/11/StarwarsXhp71-694x462.jpg)
▲鍵盤仲有紅色背光
原來連 Packing 都有特別 Design
唔只機身有星戰 Feel ,就連包裝盒都有特別 Design 過。下圖可以見到最大的盒就是依部 Notebook 嘅包裝盒,右邊印上黑武士圖案的盒就裝住 Notebook 的充電線及火牛等配件。左邊兩部黑色飛船又係乜呢?原來係盒內用作保護 Notebook 的發泡膠!細節都有加入 Star Wars 風格,有心思!另外仲有 Notebook 保護套及無線 Mouse,推廣期內買依部 Notebook 就會送俾你。
![StarwarsXhp62](https://cdn.unwire.hk/wp-content/uploads/2015/11/StarwarsXhp62-694x462.jpg)
![StarwarsXhp66](https://cdn.unwire.hk/wp-content/uploads/2015/11/StarwarsXhp66-694x462.jpg)
▲原來係盒內用作保護 Notebook 的發泡膠!細節都有加入 Star Wars 風格,有心思!
相關文章:【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 【評測】HP Elite x360 1040 G11 詳細評測 平實穩陣 + 機身少墜手 + 端子齊全 + 電量「長氣」 HP 擬撤一半電腦生產線出中國 大部分將遷移至泰國新工廠
預載極罕 Star Wars 圖檔
當然唔淨只係外型上有星戰風格,一開機仲可以見到 Desktop 上有幾個 Star Wars Icon,分別有 Star Wars Library,入面有幾本 Star Wars 嘅電子書可供閱讀,而 Star Wars Comic 同 Star Wars Trailers 就故名思義有漫畫同預告片睇啦!咁 Star Wars Command Centee 依個「司令中心」又有乜玩呢!原來入面珍藏咗過千張圖檔製成嘅 Wallpaper、Screensaver,仲有 Aurebesh 字體 同 各種音效檔。連個資源回收桶都係 Death Star 黎架!真係由外到內都流住 Star Wars 嘅血。
![StarwarsXhp54](https://cdn.unwire.hk/wp-content/uploads/2015/11/StarwarsXhp54-694x462.jpg)
▲Desktop 上有幾個 Star Wars Icon,分別有 Star Wars Library、 Star Wars Comic 同 Star Wars Trailers。而Star Wars Command Centee 又有乜玩呢?
![StarwarsXhp51](https://cdn.unwire.hk/wp-content/uploads/2015/11/StarwarsXhp51-694x462.jpg)
▲原來入面珍藏咗過千張圖檔製成嘅 Wallpaper、Screensaver,仲有 Aurebesh 字體 同 各種音效檔。真係由外到內都流住 Star Wars 嘅血。
![StarwarsXhp55](https://cdn.unwire.hk/wp-content/uploads/2015/11/StarwarsXhp55-694x462.jpg)
![StarwarsXhp17](https://cdn.unwire.hk/wp-content/uploads/2015/11/StarwarsXhp17-694x462.jpg)
▲連個資源回收桶都係 Death Star 黎架!
i5 處理器 有姿勢有實際
依部別注版 Notebook 唔係得個殻,規格都唔差架!用上 Intel 第6代 Core i5 處理器 及 8GB RAM,仲有 1TB HDD,下載晒歷年咁多套 Star Wars 電影落黎睇都夠晒空間。亦有 DVD Combo,同 HP 今年幾款 Notebook 一樣有 B&O Play Audio 嘅音響,睇電影夠震撼!
![StarwarsXhp19](https://cdn.unwire.hk/wp-content/uploads/2015/11/StarwarsXhp19-694x462.jpg)
HP 打印機可以免費下載同打印 Star Wars 打印成品
大部份 HP ENVY 及 OfficeJet 系列打印機都可以 Download 打印成品,例如 Disney 系列手工遊戲及填色紙。最近仲新增咗星戰:原力覺醒嘅內容。
![IMG_9397](https://cdn.unwire.hk/wp-content/uploads/2015/11/IMG_9397-694x521.jpg)
![IMAG0118](https://cdn.unwire.hk/wp-content/uploads/2015/11/IMAG0118-694x390.jpg)
籮文:「徹徹底底嘅一部 Star Wars 筆電」
由機身到預載內容,連包裝盒同入面嘅兩塊發泡膠都係有 Star Wars 風格,唔似其他產品加個 Logo 轉隻顏色就話係 Cross-over,HP 今次真係別出心裁為星戰迷帶黎驚喜!
![StarwarsXhp82](https://cdn.unwire.hk/wp-content/uploads/2015/11/StarwarsXhp82-694x462.jpg)
售價:$7,699
相關文章:【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 【評測】HP Elite x360 1040 G11 詳細評測 平實穩陣 + 機身少墜手 + 端子齊全 + 電量「長氣」 HP 擬撤一半電腦生產線出中國 大部分將遷移至泰國新工廠
同場加映:Spectre X360 別注版
頭先講到,部 Star Wars Notebook 就用上 B&O 喇叭 ,原來今年係 B&O 90 週年! HP 就特意推出一部別注版 Spectre X360。炭黑色機身配合玫瑰金色邊位,感覺超高貴華麗。叫得 360,因為佢係可以摺成4個模式,筆電、直立、帳幕同平板。機面印上一個好簡約嘅「Hewlett-Packard」字樣,知唔知係咩意思呢!原來係 HP 嘅全寫,「Hewlett-Packard」代替 HP LOGO,依吓係型嘅。
![StarwarsXhp25](https://cdn.unwire.hk/wp-content/uploads/2015/11/StarwarsXhp25-694x462.jpg)
▲炭黑色機身
![StarwarsXhp31](https://cdn.unwire.hk/wp-content/uploads/2015/11/StarwarsXhp31-694x462.jpg)
▲配合玫瑰金色邊位
![StarwarsXhp41](https://cdn.unwire.hk/wp-content/uploads/2015/11/StarwarsXhp41-694x462.jpg)
▲叫得 360,因為佢係可以摺成4個模式,筆電、直立、帳幕同平板。
![StarwarsXhp32](https://cdn.unwire.hk/wp-content/uploads/2015/11/StarwarsXhp32-694x462.jpg)
▲「Hewlett-Packard」字樣,知唔知係咩意思呢!原來係 HP 嘅全寫,「Hewlett-Packard」代替 HP LOGO,依吓係型嘅!
售價:$13,999
相關文章:【評測】HP EliteBook Ultra G1q 開箱評測 機身纖薄易外攜 + 配色有型專業 + 配置齊全不俗 + ARM 架構電量算「長氣」 【評測】HP Elite x360 1040 G11 詳細評測 平實穩陣 + 機身少墜手 + 端子齊全 + 電量「長氣」 HP 擬撤一半電腦生產線出中國 大部分將遷移至泰國新工廠