一講平機好多人都只會想起「X 米、N 族」，但事實大廠都有唔少入門選擇，正如 Samsung 較早前推出 Galaxy J1，售價只是 $1,398，但支持 4G LTE 及雙卡雙待，唔知實際使用感覺會差幾多呢？（以下有更多資料。）
好耐冇見咁細部
Galaxy J1 起初以為同日系「Galaxy J」有咩關係，雖然兩者冇關連，但 Galaxy J1 應該係近年少見的「細芒機」，佢只配備 4.3 吋屏幕，機身比小編 手掌還細，拿起非常輕鬆，因為僅重 122g。設計方面，佢形狀很似「肥皂」，但質感就唔似 Galaxy S3 咁膠，背蓋可以拆開，裡面可容納 2 張 Micro-SIM 及 MicroSD 記憶卡，電池容量為 1,850mAh。
▲ 4.3 吋屏幕機身非常細，機身比手掌還細。
▲ 機背附反光物質，睇落冇咁膠，但形狀上佢極似一舊「肥皂」。
▲ 機背可拆殼，裡面可放入 2 張 Micro-SIM 卡及 1 張 Micro SD 。
▲ 雖然機身同屏幕都細，但設計仍保留實體鍵設計。
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
「夠你打出打入」的配置
睇規格前，小編 試用 Galaxy J1 覺得操作反應都唔錯，但想唔到配置原來比「比入門更入門」。首先，機內搭載的是 Marvell PXA1909 4 核處理器 (Cortex A53)，支持 64Bit 運算，雖然並非常見的 Qualcomm，但於 Antutu 仍錄得 22,000 分，性能同 Snapdragon 400 差唔多，可惜接著問題係 768MB RAM 及 4GB 儲存空間，而且屏幕只有 800 x 480 解像度，相信這也是機內幾乎冇任何額外 Apps 的原因。買比父母長輩打下電話、Whatsapp、玩下 Candy Crush 都 OK 啦！
▲ 搭載 Marvell PXA1908 4 核處理器，Antutu 成績有 21,000 分，但機內配搭 768 MB RAM 才是致命傷。
▲ 今時今日 16GB 都唔太夠用的時候，Galaxy J1 只有 1.83GB 可用….
▲ 屏幕只有 800 x 480 解像度，驟眼睇都尚算細緻，但睇網頁文字就必須放大才看得清楚。
▲ 預載 Android 4.4 ，而機內預載 App 就只有圖中咁多。
▲ 支援雙卡雙待設計，當其中一張卡使用 3G /4G 時另一張就變成 2G 。( 4G LTE 制式只限 FDD )
有自拍必備功能
Galaxy J1 配備 500 萬像素主鏡頭，拍攝介面同其他型號接近，相片質素都唔好抱太大期望。不過，比較意外係 200 萬像素的前鏡頭，竟然有「手勢自拍」及「美顏」功能，入門機黎講都算唔錯。
▲ 500 萬像素主鏡頭，相片質素一般，主要是雜訊比較明顯。
▲ 前鏡頭提供「手勢自拍」及「美顏」功能。
小編 ：「平平地仲想點」
Galaxy J1 入門機有 4G 雙卡聽落幾吸引，雖然小編 都唔介意試其他處理器，但只有 768MB RAM 及 4GB 儲存空間實在太少，規格遠比「X 米、N 族」低，即使有 4G Plan 部機都應付到咁多 App，感覺就好似「綿羊仔行高速公路」，純粹用下 Facebook、Whatsapp 都還可， 因此會考慮就可能係追求大牌子的新手用戶。
售價：$1,398
查詢：Samsung (3698-4698)
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
