今日是 Apple Watch 正式在香港開售的大日子，而早前透過 AOS 訂的人，應該今日會有第一批用家收到實錶，Edward 正是其中一個幸運兒。早前小編訂了 Apple Watch Sports 版，打算平平地玩下，而且做運動時都可以戴住。未試機之前，先為大家帶來呢隻錶的開箱文啦！
▲Sports 版個盒真係好長……大家從上圖可以見到成條手臂咁長呀！
▲Edward 的是 42mm 版 Apple Watch 白色版本。
▲開箱了，出刀！
▲打開盒蓋，可以睇到一條長長的盒。
▲撕開封條，然後就可以睇到白盒真身（好似以前的筆盒 lol）。打開就可以見到 Apple Watch 真身了。
▲盒蓋內裡可以睇到 Watch Sport 字樣，而且用絨面，唔驚刮花錶面。
▲拎住上面相片呢個位，就可以拿出手錶了。
▲保護帶上面有教大家點戴添！
▲再睇番包裝盒，入面有條長長的紙盒，入面見到正常一定有的官方說明書。
▲原來仲有條錶帶送架！裝了係錶個條係 M/L size，而送個條就短些，是 S/M size。
▲然後包裝盒就底，就係火牛同埋 USB 充電線。
▲今次 Apple Watch 隻火牛真係好細隻，大家見到同 Edward 手掌的比例就知。
▲而且個火牛好特別，底部係完全平嘅，只要拉起中間的插腳，另外兩隻腳就會自動彈出。而收藏時候只要按下去就會變為一個小長方體的樣子，好方便外攜使用呢！
▲而今次 Apple Watch 的重點，就係呢條磁力充電線。
▲大家要留意，充電線連接 Apple Watch 一邊的磁石頭，只有一邊是有磁力的，要將有少少凹的一邊移近 Apple Watch 錶底，就會自動吸附在一起，然後就可以充電了。
▲充電位磁力都算唔錯，就咁吊起都唔會甩，有啲似 MBA 上面插 MagSafe 火牛的感覺。
▲如果用完全平個邊係吸唔到的。
小結：包裝都算體貼
睇完香港版 Apple Watch Sports 版的包裝，其實都幾體貼，唔止遷就手臂較幼的用家，配備埋 S/M 較短的錶帶之外，個充電火牛可以摺成一個小長方體，方便外攜使用，呢啲位都可以睇到 Apple 好注重所有細節。現在 Edward 就幫緊隻 Apple Watch 充電，同埋同自己部 iPhone 5c 做好配對先，一陣再同大家講講戴上手的感受啦！
相關文章:
Apple 為 Snoopy 迷送上聖誕禮物 Apple Watch 錶面和 Apple TV 4K 螢幕保護程式 網傳小米正研究方案 讓 Android 手機能對應 Apple Watch Oura 指 Apple 不會出智能戒指 太難開發、可能會影響 Apple Watch 銷量
分享到 :
最新影片
