今日大家係手機上面，相信都習慣咗用虛擬鍵盤打字，不過對於某些用家來講（例如：成日要打稿 edit 稿嘅筆者），對實體鍵盤始終情有獨鍾。今日係 Twitter 爆料大神 @evleaks 就流出疑似係將發佈的 Samsung Galaxy S6 edge+ 的實體鍵盤保護殼，從相片去睇當裝上此保護殼後，機身下半部約 1/4 部分會被鍵盤遮蓋，變為實體鍵盤；而熒幕顯示就會相對應縮短，以免鍵盤遮著部分顯示內容。
@evleaks 就覺得呢個設計好聰明，大家從圖片都見到底部一樣有程式切換、主頁及返回 3 個主要按鍵。如果呢個鍵盤真係推出，唔知各位 wire 民又覺得點？Edward 就覺得成件事好格格不入，裝上之後唔止令到部機厚咗（好似係……），而且個樣亦薯好多，一啲都唔型。
當然，流出資料始終係未經官方證實，想知道 Samsung 係咪真係會推出呢個怪雞實體鍵盤？今個星期五的發佈會就知啦！
來源：Twitter
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
