呢個星期嘅 Microsoft 記者會，之前已經傳聞會推出 Lumia 950 及 950 XL，預計呢兩部都係旗艦機款。但 Microsoft 是否已痛定思痛，放棄入門手機市場？原來未必！今日再有消息傳出當日 Microsoft 會推出另一部入門級手機 Lumia 550，唔知大家又點睇？
根據 Twitter 爆料大神 @evleaks 表示，呢部 Lumia 550 將會採用 Qualcomm Snapdragon 210 處理器、4.7 吋 720p AMOLED 熒幕、1GB RAM、8GB 內建儲存空間（支援 microSD 擴充）、1,905mAh 容量電池、500 萬像素主鏡頭、200 萬像素前置鏡頭及預載 Windows 10 手機版作業系統。另外，Lumia 550 會設有 4 種顏色，包括：白、黑、紅及藍色。
從此傳聞睇來，呢部 Lumia 550 應該真係入門到唔入門，估計售價應該都只係幾百蚊港幣。但實際上佢會唔會真係係香港推出？筆者覺得可能性就唔太大啦，估計應該都係主攻發展中國家市場，例如：印度、中國、非洲國家等。
來源：Twitter
