情人節過咗一個星期都無，又到元宵佳節。襯住呢個團圓的節日，或者可以留番 D 時間比屋企人丫。今日就介紹幾個好啱一家大細玩的活動俾大家。
丙申年元宵綵燈會
元宵雖則係中國情人節，不過單身的都可以一家大細去睇綵燈會，或者可以遇到好姻緣。綵燈晚會除了不同主題綵燈，仲有唔少表演，例如西藏藝術團的民族歌舞表演、舞龍舞師表演、木偶表演、燈謎競猜、粵港傳統手工藝示範及手工藝工作坊等，保證可以過一個精彩的晚上。
日期：2016年2月4日 ‑ 28日 (下午6時 ‑ 11時) 、2016年2月21日 (下午7時30分 ‑ 9時30分)、 2016年2月22日 (下午7時30分 ‑ 10時)
地點：香港文化中心 露天廣場 》香港九龍尖沙咀梳士巴利道10號
日期：2016年2月19日 (下午7時30分 ‑ 9時30分) 、2016年2月20日 (下午7時30分 ‑ 10時)
地點：屯門公園 》香港新界屯門市鎮公園
《自在遊園‧悠然自在》香港馬戲團 @城中馬戲
係欣賞綵燈的同時，小編特別推介呢個由本地的香港馬戲團獻上的雜技演出，當中充滿本地元素，講述他們在遊歷樂園經歷快樂、挫折、刺激、失望後成長，蛻變。當時間漸漸流逝，驀然回首，樂園也在記憶中淡去，仿如盛載回憶的家，一去不回。
日期：2016年2月19日 (下午7時30分 ‑ 8時15分 )
地點：屯門公園 》香港新界屯門市鎮公園
日期：2016年2月21日 (下午7時30分 ‑ 8時15分)
地點：香港文化中心 露天廣場 C區 》香港九龍尖沙咀梳士巴利道10號
零藝墟
新一年，新開始。呢個藝墟以「零」為主題，象徵所有事物的開端，亦代表著所有手作設計人，品牌創辦人由構想到經營，由零到現在，一切由零開始。 藉著今次市集讓本地人更加認識和支持本地創作，除此之外，能讓大家在煩忙的都市生活中歇一歇，感受一下大自然的美。
日期：2016年2月20日 ‑ 21日 (上午11時 ‑ 下午6時)
地點：建造業議會 零碳天地 ZCB 》香港九龍灣常悅道8號
零碳天地．My Melody零碳魔法體驗
係遊市集的同時，不妨同分佈係零碳天地的 My Melody and Friends的立體裝置、平面佈置及裝飾貼紙合照，每一個裝置介紹了多項綠色科技及設計，並提供有關低碳生活的資訊，宣揚低碳環保理念，打卡之餘又有教育意義，家長可以帶小朋友去睇睇啊！
日期：2015年11月20日 ‑ 2016年2月24日 (上午7時 ‑ 下午8時)
地點：建造業議會 零碳天地 ZCB 》香港九龍灣常悅道8號
大埔青年藝術節
最後介紹由區內多間中小學同非牟利機構合作舉辦的大埔青年藝術節 2016，活動豐富，包括太鼓、街舞、音樂劇等表演及多個 DIY 工作坊及驗體。不妨帶小朋友去製作下迷你盆景、手造書、紙板畫等，應該很有趣呢！
日期：2016 2016年2月20日 ‑ 21日 (上午11時 ‑ 下午6時)
地點：大埔官立中學 》香港大埔安邦路12號
資料來源：Timable
