Hej！周星馳有句電影對白「錢唔係萬能，但係冇錢就好頭痕」。前陣子居於瑞典的筆者嘗試從香港戶口提款，但提款卡忽然失效，嚇得一身冷汗。面對月尾準備交租交月費，還要買餸開飯買巴士月票，真係唔講得笑。不過不得讚讚鄭秀文代言的銀行，原來銀行系統發現我的戶口突然在海外提款，為了安全起見，所以暫時將戶口鎖上。
經過電話核實身份後，戶口亦再次正常運作。沒有錢用嚇得一身冷汗，有錢原來亦煩，筆者並非大富大貴之人，平時亦甚少帶大量現金在身，最近竟然發現原來有錢都可以是煩惱的原因。話說瑞典中央銀行去年推出新的鈔票和硬幣，舊的會在今年和明年年中分別失效。然而筆者有一個壞習慣，就是購物後收到的散紙會四圍放，如是者這兩個星期筆者，由書枱書櫃到大褸的衫袋，就不斷在家中「搵錢」。你話煩唔煩！
如果讀者們之前曾經去北歐旅行，或者兌換了瑞典克朗準備稍後使用，就要留意首批失效的舊 20、50、1,000 瑞典克朗紙幣會在 6 月尾失效，而舊 100、500 克朗紙幣和 1、2、5 克朗硬幣則會在明年 6 月尾失效。不想銀紙變廢紙，就要想想辦法將之兌換回港幣了。
Vi ses！下週再談。
