除了推出 Gaming 手提電腦外，每年 Lenovo 都一定會推出新一代的 ThinkPad 機款，當中最受不少商務用家歡迎的 X1 Carbon 今年自然又有新作！今年的機款，不只外貌有突破，在充電、設計上都有驚喜，究竟用落係點？就等筆者帶大家去 CES 現場體驗啦。
CES 2017 現場測試影片：
銀色初現 X1 Carbon
之前的 ThinkPad 一直都維持著一個「黑色」的型像，皆因幾乎九成九機款都是採用黑色機殻設計，所以 ThinkPad 亦有個外號叫做「小黑」。今次 Lenovo 推出新一代 X1 Carbon，就首次在此機款引入銀色機身設計，之前筆者效過網上相片，就覺得銀色 X1 Carbon 無乜特別，但真機上手後視覺觀感比睇相好得多，而且表面的磨砂感感覺比黑色版本更強烈，試了一會其實算頗討好。
▲銀色的 ThinkPad X1 Carbon，見到真機摸上手其實比齋睇相更討好。
▲連機內除了熒幕邊框及鍵盤，其餘部份均是銀色。
USB Type-C 充電超方便 + 安全
另外一個驚喜，就在於充電上。今次的新一代 X1 Carbon，首次加入了 Thunderbolt-3 插槽，好處是大家只要使用 USB Type-C 火牛即可為它充電，而且更支援速差功能，可以 60 分鐘為 X1 Carbon 由 0% 差至 80%，相當不錯。另外，Lenovo 亦為充電加入了安全機制，無論你的充電器的電壓輸出是 5V、12V、20V 或 30V，都可以照用來充電，以防有用家使用了與示廠火牛電壓輸出不同的第三方 USB Type-C 火牛或外置充電器充電時，因電壓不符導致弄壞機內電池，十分體貼。不過能否用「尿袋」充電，由於今次來美國未有攜帶具備相關電壓輸出的外置充電器，所以就暫時試唔到，唯有等香港推出時再為大家測試了。
▲有了這個保護機制，即使用第三方推出的充電器或者「尿袋」（理論上）充電，都不用擔心會影響電池安全。
當然值得一提的是，這個 Thunderbolt-3 插槽，除了充電外亦可以接駁其他 USB Type-C 或 Thunderbolt-3 裝置使用，最正的自然是接駁 4K 或以上解像度熒幕並輸出 4K 內容到外置顯示器欣賞啦。
繼續輕薄兼安全易攜
當然，除了以上兩個新特點外，新一代的 Lenovo ThinkPad X1 Carbon 仍然保留所有前幾代 X1 Carbon 或其他 ThinkPad 機款擁有的優點，最重要當然是它的輕薄設計，今代厚度為 15.95mm，重量為 1.14kg，以一部 14 吋機款來講確實超輕薄，即使單手拿住都唔會太累。此外，今代 X1 Carbon 亦支援絕大部分 Windows 10 可用的 Hello 認證功能：在鍵盤下方設有指紋辨識器，可用指紋解鎖；亦支援人臉 / 瞳孔辨識功能，可使用內置鏡頭登入或為加密內容解鎖。當然，最傳統的密碼、PIN 碼等登入功能都仍有提供，令大家儲存在機內的機密資料或文件可以不被外洩。
▲繼續保持輕薄設計，相信沒有很多 14 吋機款可以單手拿得如此輕鬆了。
▲雖然 X1 Carbon 十分輕薄，但由於採用了碳纖外殻，所以十分實淨。加上今代改了少許內籠設計，據官方表示可令機身更硬淨耐用。
▲一貫好打的 ThinkPad 鍵盤自然有被保留啦。
▲另外今代亦更改了天線位的設計，Wi-Fi 天線設於鍵盤上方，4G LTE 天線就設於鍵盤左下及右下方，這樣就可以不用將天線設於熒幕頂部，可放入鏡頭的同時，亦可令該位置邊框變得更幼。
Port 位夠齊唯缺 SD 讀卡器
最後值得一提的是，新一代 X1 Carbon 的槽位仍然十分齊全，除了上文提及的 Thunderbolt-3 插槽（仲要有兩個！）外，傳統 USB 插槽仍有提供（2 個），HDMI 輸出仍然有埋，大家自然不用擔心忘記帶轉接線導致不能工作或進行匯報了。不過對於需要經常外出工作兼拍攝產品、記者會的筆者來講，今代取消了內建 SD 讀卡器的設計確實帶來不方便，雖然它仍有內建 microSD 讀卡器，但絕大部分相機的記憶卡都是大的 SD 卡，如果大家真想入手這代的 X1 Carbon 及有與筆者相同的煩惱，大家唯有隨身帶備外置讀卡器，或者轉用 microSD 卡加上轉接卡後再插入相機使用了。當然大家仍可以購買支援 Wi-Fi 無線傳輸相片的 SD 卡，但成本會較一般相同容量的 SD 卡或 microSD 卡貴，所以筆者就不建議了（雖然是很方便……）。
▲Port 位十分齊全，唔洗驚忘記帶轉接線工作不能 lol。
▲熒幕繼續採用防反光設計，在室外用都唔驚。
▲可視角度仍然十分高。
▲沒有了 SD 讀卡器對筆者這種工作需要經常拍照的用家是致命傷，幸好在機底近熒幕位置仍有 microSD 記憶卡卡槽，以後唯有買 microSD 加上變為 SD 卡的卡套，放在相機內拍照了。
售價：US$1,349（約 HK$10,460；二月推出）
