達哥搞手遊玩電競 「達魂製作」CEO專訪:「應請我做電競局局長」

讚好此文:

七月 3, 2017 • 人物專訪, 星級專訪, 遊戲情報

憑直播打機上位的達哥林慧韡,近年有多線發展,又拍廣告又拍電影,2014 年更成為手機遊戲公司副總裁,做出名氣。奧柏中國(8148)投資 800 萬元搞手機遊戲,找來達哥開設手機遊戲公司「達魂製作」(Touch Fun  Productions)出任公司 CEO,冀招兵買緊,尋找本地人才,一同製作出本地原創手機遊戲,預計 2018 年第 4 季推出。

代表香港的手機遊戲

「香港文學有輝煌歷史,運動有成就,音樂、電影都有,唯獨是遊戲冇係國際層面上立足過。我一個人就做唔到,但想起帶頭作用,做一隻 Game 代表香港。」達哥指,市面上有林林總總的手機遊戲,但好少經典,好快換一批,只因遊戲套路雷同,「換湯唔換藥」。他期望,今次與奧柏中國(8148)合作自組公司,可以製作一個本土原創、又有技術性的遊戲。

以 2022 年亞運電競為目標

至於遊戲的形式及玩法方面,達哥就賣賣關子表示,因為構思仍屬起步階段,未能公開細節,但將會是一個多人線上策略對戰遊戲,目標於 2018 年第 4 季推出市場並成為 2022 年杭州亞運會電競項目遊戲。遊戲中將設有多個角色,正研究與電影公司及品牌合作,將電影角色、KOL、品牌吉祥物等放入遊戲。除了製作遊戲,達哥亦表示,公司會代理一些外國遊戲,以支持公司營運。

請本土人才 不靠外援

達哥指,目前正物色本地人才加入達魂,一同構思新遊戲,「香港打機人口比例好高,臥虎藏龍。既然有人投入資金俾機會我,我都想將呢個機會分享出去。今次請人會盡量請返本地人才,冇理由下下請外援。」他認為,做遊戲除了要有技術,更重要的是性格上可以與團隊合作,及夠機靈。現時達魂正招募人才負責企劃、人物設定、圖像處理等,機會嚟喇,飛雲!

「政府要開個電競局啦!」

不過,要以手機遊戲打入亞運會成為電競項目遊戲之一,目前國際上的認受性還未很高,更不用說香港的情況。達哥認為,香港都有手遊電競的選手,但不論是制度上,還是社會環境仍未太接納這個新興運動,即使政府正在推動,亦未必能於短期內見成效,「原因咪就係政府冇搵我,我地玩 Game 最多,對遊戲的時間一定多過佢地。藝術都有藝術發展局啦,開個電競局,請我做局長,俾我管一啲制度,一定好啲。」

達哥望殺入亞運 手機遊戲打入電競

達哥打機打到開Game公司😅公平咩?😤嘎嘰!仲話黎緊自創角色會加入名人或者KOL!😵😵娜姐-unwire.hk 表示都想有一個啊 💁💁#達哥 #卡關達 #達魂製作 #電競 #手機遊戲 #究竟係嘎嘰定貢嘰詳細內容:達哥攪手遊玩電競 「達魂製作」CEO專訪:「應請我做電競局局長」https://unwire.hk/2017/07/03/tat-gor-esports-mobile-game/people-interview/

UNWIRE.HK 发布于 2017年7月3日

• 不想錯過新科技 ? 請 Follow unwire.hk FB 專頁 http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , , ,

讚好此文:


Comments are closed.

相關文章:



更多同類文章:

最新文章