在美國開售不足兩天的時間，iPad 3G 版本的水貨在今日終於抵港。先達大佬們自己 Cut Sim 至 Micro Sim 尺寸，可以正常上網使用，證明 Micro Sim 同一般 Sim 冇分別，同時，iPad 3G 版首批機係冇 Sim Lock。
在美國的價格 16GB 3G 版與 Wi-Fi 差價大約 1000 港元，但到了香港水貨價卻貴上 $2000。16GB 版本以 $7,800 開賣，32GB 與 64GB 售價則為 $8,800 與 $9,800，真係而家唔賺幾時賺。
今日第一批貨得幾十部，落場幾個鐘賣清光。不過，先達大 Shop 數碼動力老闆話，雖然佢第一批貨冇機，但成個場真正大貨星期二左右就到，唔使驚買唔到。有心買的不妨打去留機，但係話我介紹都係冇折。(2142 7722)
