仲有唔夠一星期就情人節，上回講到係屋企煮飯仔，如何令飯廳佈置充滿氣氛。今日依莉詩就搜羅了幾段 Youtube 片教大家如何令食物睇得又食得啦!包你的女神見到都話你有心思!
士多啤梨玫瑰
睇電視睇得多，晚餐通常都是由男仔送花給女仔開始。但情人節一束花最少都二三百蚊，得個睇字又唔食得，不如考慮下用士多啤梨整一束送給女神。
▲ 材料很簡單，就是士多啤梨同綠色飲管。
▲ 然後拎一支飲管往士多啤梨底部戳進去。
▲再將士多啤梨用刀側切四邊開口。
▲ 一朵又紅又好吃的玫瑰花就誕生了。
煙肉玫瑰
送完花就是前菜，沙律當然唔少得。這個時候就可以用煙肉卷成花作一點點綴。
▲ 材料亦很簡單，就是煙肉和牙籤。
▲ 把煙肉卷成花，再放入焗爐焗到金黃就可以了。
▲ 切好又變成一束花啦!
熊熊漢堡
情人節晚餐主菜唔一定係心型牛扒嘅。將漢堡打扮成熊熊就更有心思了。做法簡單，只係比一般的漢堡製作多 2-3 個步驟就可以完成囉。
▲ 望著它又點捨得食。
▲ 最緊要係放甚麼材料都可以由自己決定，走青瓜，多醬，滿足女神的口味。
一秒成拉花高手
雖然情人節晚餐唔可以沒有甜品，但這點想留給大家自由發揮。反而餐後的飲品，依莉詩有一個特別的點子。最近咖啡拉花大熱，如果女神知道你識拉花，對你一定另眼相看。
▲ 這張拉花紙只需要放在沖好的咖啡上幾秒就可以變成拉花一樣，都算呃得下人架。 
▲ 而且仲有唔同圖案，仲有小編最愛的鬆弛熊呢!
資料來源: Facebook 、Youtube
分享到 :
最新影片
