今日美國早上 LG 發佈全新 G4 旗艦手機，剛才報導大家 G4 會用皮革機背、新處理器又相機等等，但究竟 G4 實際同 G3 相比有咩分別呢？
1. 新「6 核」處理器更省電
這次 LG G4 會採用 Qualcomm 另一顆 Snapdragon 808 新處理器，型號上佢比 G Flex 2 的 Snapdragon 810 低階，內部只有 4 顆 Cortex-A53 及 4 顆 Cortex-A57 合共 6 個核心，而且 GPU 亦降級至 Adreno 418，簡單說即性能會比 Snapdragon 810 低，但好處可能係更省電及低熱量 (即 810 太熱?雞肋？)。不過，總括來說性能及功耗都會比 G3 (Snapdragon 801) 優勝。
2. 相機 F1.8 大光圈、有 M Mode 可影 RAW! 前鏡頭 800 像素
自 G3 引入 Laser AF 後，這次 G4 將會集中強化相機體驗，當中稍有驚喜係終於有手動模式 (M Mode)，可讓用戶自行選擇 ISO 及快門數值，令操作更似相機及支持慢快門，其次還有 RAW 檔輸出。硬件方面，G4 用了 1/2.6 吋 1,600 萬像素 Sensor 及 F1.8 大光圈，Sensor 體積比 Z3 的細小小，加上配合 OIS 2.0 三軸防震及全新顏色 Sensor，無論新手及老手都有更大拍攝彈性。最後，G4 為迎合 Selfie 潮流前鏡頭會升級至 800 萬像素，以上種種條件跟 G3 都算是大躍進。
3. Quantum IPS 更光、色靚、省電！
去年 G3 已率先使用 2K 屏幕，雖然 G4 未有升級至 4K 解像度，但技術上它用了 Quantum IPS 屏幕，重點有 3 個！第一係亮度更高 (光 25%)；第二係色域更闊，對比度更高，簡單說即顏色更靚 ；第三係更省電。因此 G4 的 Quantum IPS 是彌補初代 2K (G3) 屏幕不足。
4. 更多原廠 App、送 100GB Google Drive (2年）
G3 推出時機內都新增 Smart Clean 及 Smart Notice 兩個功能，而這次 G4 的 UX 介面還會加入 Gallery Timeline (睇相)、smart bulletin (多工轉換)、event pocket (日曆) 及 Quick Help (助手) 等新 App。不過，講到最吸引係 G4 可獲 2 年 100GB Google Drive 雲端空間，變相連 NAS 都可以慳返。不過，體驗上就好似同 G3 相差唔遠。
5. 轉用「High Class」皮革機背
今年好多新機都用金屬設計，但 G4 就反高潮轉用皮革機背，承繼 G3 極佳手感設計，這個配搭其實唔差，而且又有多達 6 款顏色選擇，老實講驚喜唔大，但起碼睇機背都知你果部唔係 G3 先喇！此外，廠方還少有唔設計得更薄，反而加大電池容量 (3,000mAh 可替換) ，這點都值得讚下。
小編 後感：有驚喜 但唔夠震撼
睇完 LG G4 發佈會，驚喜唔係冇，但感覺好似係唔多夠，可能 G2 至 G3 太震撼吧！個人來說，小編 欣賞佢相機部分，又加入手動模式，體驗係會比之前好得多，但其他部分 (尤其係軟件）其實加到 G3 都可有相似體驗，加上外觀上只係換了皮革機背，這點同今年主打新金屬機相比係遜色一點。
分享到 :
最新影片
