iPhone 一直有好多殼可以揀，有啲係功能性既，可能係防水，可能係防撞；有啲係好色彩繽紛好得意既，為 iPhone 做一個靚靚裝飾。但你又知唔知，有一款手機殼可能會帶來危險？
講緊既就係呢款槍形手機殼啦。雖然望落去好型，但隨時會被警方盯上帶來麻煩，皆因美國全國警方將會對呢款槍形 iPhone 殼提高警覺，因為若然將佢放係後褲袋入邊，會令你睇上去就好似帶左支槍出街咁，警察好難即時分辨得出，到底果枝係真槍定手機殼，就好似下圖咁：
原本呢個槍形 iPhone 殼可以係 Amazon 以 US $5 (約$38) 購買，但自從收到多個顧客意見反映後，已經將呢款商品強行下架左。唔知讀者們有無呢個款又擔唔擔心呢？
來源： phoneArena
