不少人都相信知識能夠改變命運，所以好努力讀書，期望第時可以擺脫階級的枷鎖。但勢估唔到，有好多知識係學校或者興趣班學唔到的，必須通過社會大學的洗禮方能略知一二，而如果你有心想創業的話，小編告訴你，讀書唔係唔重要，只係：你要的特質未必能夠從學校得來，睇睇以下由 11 位 startup 創辦人提出來的特質啦！
1. 適用於 Startup 的領導才能
Startup 一般來說都係細公司，文化同大集團、企業完全唔同。Startup 入面每個人都係重要資產，一人分飾多角，互相補位，但冇乜架構，沒有明顯的晉升階梯，而且都係一路做一路學，冇人 guide 住你。係 startup 工作，你首先要自發性很高，仲要經常比人諗多一步，呢啲特質學校係唔會教你的。
– Laura Roeder, LKR Social Media
2. 人脈的重要性
如果你的 startup 能夠成功，好大程度都係因為你認識的人，同埋你的交際網絡。學校唔會教你要擴大你的人脈，培養出自己的交際網，了解人際關係的多面性。但你睇睇 Facebook 大神有幾靈光？不都是人的力量嗎？而那些人不都是認識你的嗎？學識人際關係的價值，並好好讓它幫助你是重要的。
– Darrah Brustein, Network Under 40/Finance Whiz Kids
3. 屢敗屢戰的精神
創業係講緊將一啲嘢由零變成一，創造價值，你坐係班房吸收左好多偉論，好多前車可鑑，但係勇氣同決心係唔可以從書本中得來。有不少的成功 startup 都將自己押注在充滿未知的事業當中，沿途有好多絆腳石，你亦會跌低。屢敗屢戰，先係你要學到嘅嘢。
– Andrew Thomas, SkyBall Technologies, Inc.
4. 雖千萬人吾往矣
創辦一間公司係孤獨的，手停口停。遇到問題時，冇人可以埋怨，負面情緒會開始累積，但不要忘記，你開間公司出黎係要解決問題的。但一直走下去的時候，你的世界漸漸會與周遭脫離，所以要學會承受孤獨，也要找到適當的支持及支援。
– Trevor Sumner, LocalVox
5. 創業是一場馬拉松
學校能夠培養出一班最快係最短時間之內俾到正確答案的人，佢地就好似短跑選手咁，但創業不是短跑，而是一場馬拉松。有好多時候你要留前鬥後，會有好辛苦想停低的時候，你就要不斷激勵自己：你去緊嘅目的地係有一個較大的成就，不要滿足於一時的舒適。
– Rob Fulton, Matikis
6. 擴張好唔好？
唔會有人教你幾時要擴充營業，請多個人，做多啲嘢。好多時都係靠直覺以及一直以來養成的觸覺。
– Jason Grill, Grill Media | Sock 101
7. 實際營銷過程
有冇人係 Major Marketing？有冇發現學校係唔會教你點樣令營業額實際有效地運作？由齋噏，到落手落腳，然後上軌道，跟住維持銷售額，最後摺埋。邊個會教？
– Jon Cline, Rokit SEO
8. 游說
係可以學嘅，不過唔係喺學校。
– Patrick Vlaskovits, Superpowered
9. 設計及創作
你要自行搵出個市場，製作一件有人會買會用嘅產品，呢樣真係好難教。因為通常呢啲念頭都係你偶然遇見，要天時地利人和夾到先得，唔係你求其整舊 MVP 出黎就學到成個創作過程。
– Dave Nevogt, Hubstaff.com
10. 適應力
學校相比社會，係一個非常穩定的地方，每個學生都有好清晰的路線圖，好明確的終點。創業的時候，你要不時轉換方向，改變航道，所以適應力尤其緊要。
– Phil Chen, Systems Watch
11. 與壓力共存
讀書的時候，你的壓力隨考試測驗而來，完結時可以鬆一口氣。但創業者並無時間鬆一口氣，所以要學會與「它」共存，每日同佢死過！這個能力絕對沒有人能教導你，只有自己同自己對抗。
– Kim Kaupe, ZinePak
來源：Inc.
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了<詳情請按此>
