幾日前 Huawei 曾流出一部擁有奇怪設計鏡頭的新機，從外型來睇大家都已經估到係 Honor 系列的新機。今日 Huawei 就流出一張預告圖，當中寫著「榮耀 honor」，口號更寫著「8.10 探索視界更多角度」，從當中信息去睇，之前那部新 Honor 手機，很大機會會係 8 月 10 日正式發佈。
據之前流出的消息指，呢部全新 Honor 手機採用了全新彈出的相機模組，上方更設有補光燈，不但可視影相或自拍時均有高像素兼高質素的拍攝效果，亦可讓用家無論影景定係自拍都可以用雙 LED 雙色補光燈補光，令大家夜攝時可以更易影出清晰兼色彩自然的相片。而在機身亦設有一個獨立鍵，方便用家彈出相機模組，而此按鍵亦同時會用作指紋辨識用途。
此外，早前的消息更指這部 Honor 新機採用無邊框設計，而且會採用 Huawei 的 Kirin 處理器、EMUI 介面及 Android 5.X Lollipop 作業系統。究竟最終呢部全新 Honor 手機係點？幾日後大家就知道了。
來源：GizChina
