早幾個星期，港女被朋友挑戰玩 #onemonthchallenge，要求我日日戴 con、化妝、同埋著唔同衫，真係玩死，港女決定認輸投降?。最近港女又見到有新嘢玩，今次呢樣都算係繼 Ice Bucket Challenge 及 Harlem Shake 之後，最熱烈嘅 challenge 喇－MannequinChallenge！簡單嚟講，即係拍片玩「木頭公仔唔準郁」。
Mannequin 意思即係服裝店櫥窗入面嘅假人，所以有人譯做「假人挑戰」，但港女就覺得「木頭公仔挑戰」好似傳神啲喇～不過，無論係「假人」定「木頭公仔」都好啦，玩法都係一樣－定格、唔準郁。呢個 challenge 係 10 月底的時候，喺 Twitter 開始先，及後傳開去 IG、YouTube 及其他平台。
個 challenge 有好多名人都有參與，例如早前美國大選前，Hillary Clinton 及 Bon Jovi 就拍咗一條叫人唔好定咗格，要去投票嘅片；美國第一夫人 Michelle Obama 又有同 NBA 騎士成隊人一齊玩；前日比利時國家隊、英格蘭足球隊都有加入挑戰。
因為網絡的傳染力，同埋超強 engagement，令普通人都可以玩埋一份，而且都好好睇㗎！其中港女最 impress 嘅一條片，係喺一場籃球賽開始之前，主持人帶全場人一齊玩嘅 MannequinChallenge：
▲全場人都知係咩嚟之餘，仲要咁合作一齊玩，真係好壯觀。
而最好睇嘅，暫時港女覺得係 Funkflex 呢條有多啲故事性嘅片：
▲一鏡過就一定啦，但有故事得嚟，又有高難度動作，真係幾好睇！
港女仲有見到一啲好勁嘅片，例如定格做高難度瑜珈動作、舉緊鐵及其他運動。美國嘅 high school 學生亦有好多花臣，動員一大班同學一齊玩，一齊 share 片。唔知呢個熱潮會唔會吹到過黎香港呢？
分享到 :
最新影片
