有睇開港女寫嘅週記就知我係山區兒童啦，日日要搭幾程地鐵遊走香港九龍新界，搭地鐵對於港女黎講已經係駕輕就熟：開左門定右門、邊個車廂一出就係電梯、地鐵出口捷徑係邊度，基本上港女都掌握得到（伸脷：只限港女經常出入的地鐵站）。之前我仲寫過一篇文，教大家如何搭港島西延線前往數碼港，有好多人都話資料實用。
地鐵其實好醒，佢地就係知人有惰性，同埋避免有個別車廂有太多人，有啲車廂冇人用，特登設計到個個月台嘅電梯位都唔同，等啲不同目的地的乘客分散係各個車廂。不過真係估佢唔到，竟然有人會用呢啲資料寫左隻 App－Pokeguide，做到好似日本 JR / 地下鉄的搭車 APP 咁 ，教大家搭地鐵，用最方便快捷的方法去到你的目的地，隻 App 仲攞埋獎，港女當然唔執輸，即刻下載黎試用下啦。
咁啱有一日港女超忙，要由荃灣去上環再去牛頭角，夜晚仲要返學，放左學當然仲要返屋企，真係攰到喊。其實呢幾個地方，港女都好熟地鐵的「地理」架喇，但都想試下個 App，睇下準唔準。
就攞由牛頭角去大學呢一段路做例子：
不過問題黎啦！明明港女由牛頭角去大學係要喺九龍塘站轉車，佢冇教我點轉車最快嘅？話說九龍塘其實係有兩個車站嘅，東鐵線及觀塘線，唔同落車位會令轉車路線有好大分別，港女都試左幾次先發現到最短最快的轉車路線及落車位置，好可惜 Pokeguide 並無轉車 Guideline，呢方面唔夠日本 App 咁完善喇，仍然有改善空間喔～
另外，港女都試過個 App 有個別車站唔係好準，可能係使用習慣的問題吧！除左捷徑，個 App 仲有啲出口附近商場優惠資料嘅，不過港女就對呢啲冇乜興趣喇！我最想佢提供多啲整個搭車路程的轉車資料，等我每次轉線上車的時候有目的一啲，唔使盲中中周圍走，人多的時候又要同人逼逼逼上電梯，好辛苦架嘛～
相關文章:
大阪地鐵將啟用人臉辨識閘口 配合世博無需拍卡直接出入閘 紐約地鐵以 AI 技術提升維修效率 列車搭載 Google Pixel 進行軌道檢測
分享到 :
最新影片
