今次 Gashion 就請到剛剛踏入「全職」工作世界不久，做 Graphic Designer 嘅 Winnie 從金錢、心靈、工作嘅角度出發，去推介 3 個 App給大家！
（一）我的第一桶金！
剛剛進入 Full Time 世界，人工當然會比當時 Part Time 多啦，不過同樣都會洗得多！搭車、食飯、買衫 dress up，樣樣都係錢，真係唔 mark 低唔掂。比起可能會亂同唔記得寫低嘅「數簿」，可以試下－Ahorro 呢個 App。
如圖見到，呢個 App 會幫你分門別類咁紀錄住你係邊方面洗錢，做曬成個 Pie Chart 比你，重有好得意嘅 icon仔。一日咁睇又得，一個星期，甚至半年咁去睇亦得，得咗。不過啊 Winnie 啊，勤力 D 紀錄呢個 App 啦。我唔信你一個月食 ＄95 嘢啊！ （笑）
（二）「下？無曬橋啦？」
做 Design 呢行嘅 Winnie 就緊係隨時都要有兩手準備啦，如果比老細或者客問到口窒窒咁咪大獲。所以，去到邊都要 brainstorm！ 而 Mindly 呢個 App 就幫到佢啦。
用簡單線條同少少 motion，幫你做個靚靚 mindmap，重溫自己有咩 idea 個陣都幾心曠神怡㗎～
（三）[別為]「為金錢卑躬屈膝、為名利改變本質！」
再唔記得，自己有咩原則！見一日，過一日直至我嘅末日！皓藍幾鍾意 24 味同 鄭秀文嘅呢首罪與罰。剛剛進入全職世界，可能大家都會好熱血，未太關心「錢」呢個問題。不過，由全職學生變成全職工作嘅你都應該需要時間去適應新環境。如果感到苦惱或者大壓力，不妨下載一d 「心靈雞湯」比自己睇下。以 Winnie 為例，佢就鍾意睇福音 Quotes 啦.
唔寫唔知 Winnie 原來有好多嘢可以分享，上回就講住咁多先，下回 Gashion 就會講 Winnie 身為 Graphic Designer 用手提電話，點 customize 自己個人介面、或者用電話來紀錄生活的一些小習慣～
分享到 :
最新影片
