唔講大家可能唔知,原來日本女仔都好鍾意食甜品架,佢地最鍾意一班朋友放左學或者放假一齊去食野,今次我去左好受日本女學生歡迎的 Sweet Paradise ,專門食甜品放題架 ♪
而今次啱啱 Sweet Paradise 大阪梅田店同 Castle and dragon(城堡與龍)有一個期間限定的合作活動,場内裝飾擺設全部都換曬做 Castle and dragon 主題,而 Castle and Dragon 係日本係個非常受歡迎的攻城戰略手機遊戲,玩法主要有三部分,一是在自己的主城收集金錢及食物;二是研究開發,增強隊伍;三是戰鬥掠奪。遊戲入面的角色造型有趣可愛,放係 Sweet Paradise 入面都好夾架。
除左平時的任食的甜品 Menu 之外、只要加 570 円就可以揀 Castle and Dragon 特製食品一款同特製飲品一杯 v(。^□^。)v
今次 Castle and Dragon 特製 Menu 食品同飲品都好好味〜最令我疑惑的是,面頭豬大哥蛋包飯上的公仔究竟係樣放上去蛋包飯的蛋上面架呢~?你唔好睇杯野飲藍色好似樽藥水咁,其實佢味道同一般炭酸飲料冇分別架!
今次的期間限定活動有一個特定 Menu 就係歐雷姆超級特大漢堡特大肉餅,足足有一公斤重!我杏子一個人一定食唔曬啦〜ヾ(´∇`)ノ゙
店內仲有 Castle and Dragon Pop-up Store 售賣期間限定紀念品添!
Sweet Paradise 梅田店