近年筆者身邊不少人都已經少追了 TVB 劇集（至少筆者都有好一段時間無睇了），但去到半夜又會扭開電視來追睇舊劇。誠然不少舊劇都有一定吸引力，但要一晚睇一集，有時真係唔追得咁多。今日 3HK 就宣佈與 TVB 合作，推出 myTV Super 免費睇優惠，無論是新或者現有客戶，都可以免費睇 myTV Super 一年，唔止可以睇直播，仲可以睇點播，即使睇意甲 / 法甲 / 美職聯直播都得，咁大家就唔洗晚晚定時定候坐係電視或者電腦前面追睇舊劇了。
用 4G 網登記 + Wi-Fi 都睇得
平時要睇 myTV Super，就要俾一年 $380，先可以睇到哂所有 myTV Super 內容，而 3HK 4G 用戶由今日開始，就可以睇足一年唔洗加錢。另外，據 3HK 表示，用戶只需要在登記時用 3HK 4G 網絡登記，之後欣賞節目時不但可以用 4G 網絡欣賞，即使用 Wi-Fi 睇都得，唔驚因為追劇睇波而浪費有限 data 用量。此外，即使購買了 3HK 漫遊 daypass，都一樣可以在外國欣賞到 myTV Super 節目，即使去到外國旅行或公幹，要追睇節目都唔驚睇唔到。
額外 data 唔驚容易爆 plan
此外， 3HK 為方便經常會用 data 煲劇睇波的用戶，還推出了 myTV Super 數據服務，最平 $20 就可以有額外 1GB data 用量，如欣賞 myTV Super 上內容時，會優先扣減這數據服務內的用量，扣完後才會扣減主 plan 內的數據用量。不過筆者覺得，如果大家可以搵到有 Wi-Fi 地方睇，呢幾廿蚊一個月額外開支，其實大可慳番。
已可用 4.5G 網絡速度未來可增至 600Mbps
此外，3HK 在今日記者會內接受傳媒查詢時，就表示現時他們的基站已預備好最新的 4.5G 網絡並已投入使用，由於已結合 3 條 4G 頻譜（3CA），所以現時最高下載速度已可達到 300Mbps。他們更表示稍後整合其餘兩條 4G 頻譜後，會加入至現時的融合網絡中，屆時將可支援 5CA 技術，最高下載速度理論上可達到 600Mbps。但至於何時才可實現 5CA 網絡？什麼時候會有裝置支援？3HK 就未有進一步消息。
分享到 :
最新影片
