港女科技一週:搭緊飛機用電話?

讚好此文:

十二月 22, 2016 •數碼港女週記

年尾、聖誕加除夕,應該有唔少朋友同港女一樣為咗清晒成年積落嘅年假而去個大旅行。早兩日港女搭飛機出走嘅時候,就見到機上先後有好幾個人向空姐查詢飛機上用唔用得電話,先知原來唔少朋友都唔太清楚呢個規定。

其實,民航處早在 2014 年已經修訂咗飛機上使用手提電子器材的措施,准許乘客在個別航班上以「飛行模式」使用部分手提電子器材,如智能電話、平板電腦等,old news is so exciting!

措施修訂之前,喺所有飛機起飛及降落嘅時候,幾乎所有手提電子器材都係唔俾開著,要求大家關上後收好。不過,完成起飛及降落流程之後,就可以開黎使用,只係唔准開藍牙及數據傳輸。

起飛及降落時唔畀用,原本係因為怕會有無線電波產生,造成機師及控制塔溝通之間的干擾。但除住飛機科技不斷改良,已經發展到兩者以不同的無線電波段溝通,從而減低造成干擾嘅機會。

所以措施修訂之後就放寬咗,當時民航處話,「只要飛機設計經核實,乘客應獲允許全程使用處於『飛行模式』或『非傳送模式』的小型手提電子器材,包括起飛和降落時。」不過語音通訊、短訊及數據漫遊等傳訊方式則繼續全面禁止。因此,有部分航班就可以用電話,甚至會提供 WiFi 畀你上網。

雖然民航處出咗咁樣嘅指引,但只適用於香港註冊的飛機,所以現實上仍然有唔少航班係關有乜都唔畀用嘅情況。

如果唔 sure 你搭嗰班機用唔用得,最好就預先問清楚喇,亦都要遵從機組人員的指示。因為有啲地方嘅措施好嚴謹,不適當使用可能犯法添㗎!

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章