Sony 新機中最矚目的，肯定是剛才為大家初步評測過的 XZ Premium 啦，但其實他們亦有推出其他新機，當中肯定會在四月推出的，就是這部 XZ 的升級版：XZs，主要是將 RAM 提升至 4GB、鏡頭換上與 XZ Premium 相同的 Motion Eye、以及加入新色。究竟好唔好睇正唔正？友站《電腦王阿達》都有現場試過，現在就等 Edward 帶大家去現場睇睇啦！
玩新色！外表與 XZ 近似
今次 Sony 宣佈會在四月推出這部 Xperia XZ 的升級版：XZs，顧名思義大抵也是硬件規格升級，外表維持原來設計，而現場所見果真如此，但今次在 XZs 上，就用了不少新色，當中筆者尤其喜歡黑機機款，低調得來都幾靚。另外，如果大家嫌之前 XZ 的藍色太深色的話，今次推出較淺色藍色的 XZs，也可以考慮入手。
▲幾隻新色中，筆者最喜歡這個黑機機款，始終啞面加上黑色設計，大路得來又夠靚。
▲由於採用與 XZ 相同設計，所以頂及底熒幕邊框都會較闊，另外顏色亦會是黑色。
▲機身設計基本上與 XZ 一樣：機身左側為 SIM 卡槽，而右側就是音量鍵、開關鍵及快門鍵，指紋辨識器也同樣是在開關鍵位置。
▲介面方面，自然與 Xperia XZ 一樣啦。
▲當然仍然有屬於 XZs 的機座保護套啦。
鏡頭改用 Motion Eye 連拍揀相好 easy
除了機身顏色外，Xperia XZs 也改用了最新推出的 Motion Eye 鏡頭，級數與之前介紹過的 XZ Premium 一樣，效果如何仍然是個句：等推出時才為大家詳細測試吧。不過今次的 Motion Eye 鏡頭，都加入了連拍後揀相功能，它採用了之前 XZ 都有的預測攝影功能：連拍後會選出 4 張系統覺得影得最好的相片，之後讓用家選擇一張或多張儲存，這樣大家既可以保證連拍時不會錯失精彩一刻，亦不會儲存太多連拍相片導致霸住 XZs 的內置儲存空間了。
▲即使在 XZs 也用上了最新的 Motion Eye 鏡頭。
▲有了這個預測攝影功能，可以連拍後即時選擇儲存哪張 / 幾張相片，十分體貼。
相片來源：電腦王阿達
https://www.kocpc.com.tw/archives/137391
