還記得我分享過「產房拍攝日記」嗎? 今次會再說多一點 BB 拍攝的事宜。當 BB 出世之後，應該十對有十一對父母都會為 BB 影相上載到 facebook 同親朋好友分享呢個喜悅，同時亦可以為 BB 留下一點成長的印記同時亦為為大家記低生活點滴。小弟初為人父雖然自己不喜歡上鏡但也忍不住日日和 BB 影相，今次就同大家分享一下為初生 BB 影相的心得！
6個月後才找「專業」攝影
雖然坊間有不少 BB 攝影公司，不過小弟聽過唔少朋友、網友討論，一致認為 6 個月以下都不要花錢去幫襯。點解？相信大家都想到剛剛出生的 BB 無可能任你擺佈，別說你想佢笑、就算想佢望鏡頭亦並非易事，加上初生 BB 發育未健全到可以自己坐係度，所以大部份時間都只係可以瞓低又或者趴低，在姿勢不多、反應不多而且缺乏交流的時候確實不太適合帶他／她出外比錢影相呢。（閣下不懂攝影又或者堅持外出拍攝除外）。
手機成影 B 神器
小弟雖然家中又有菲林機、單反、亦有幾部 DC，不過用得最多同 BB 影相的反而是手機。用手機的最大原因首先是方便就手，基本上大部份朋友都可以係隨手範圍接觸到手機，另一方面即使叫家中的老人家、太太、朋友幫手影相都比較容易。雖然用手機影相可能在不少人專業人士眼中「不堪入目」，不過小弟亦曾經試過見到 BB 笑果陣用「9 秒 9」時間仆去搵大機影，結果？當然 bb 已經由笑變左喊啦！經小弟觀察所得，首兩個月 BB 展現的笑臉都是「假的」，都是他／她面部不受控制的反應，所以可以在這秒鐘笑下秒鐘便變為喊（絕對非演技問題 XD）。當試多兩次用大機影相先後失敗，最後慢慢便變成了全以手機影 BB 相了。
▲由上面兩圖可見，BB 張張表情都唔同，想要捕捉最美一刻一定要用連拍同埋狂影，對住個未識比反應你的 BB 相信是唯一方法。
新手機一按即拍反應快
如果大家好有心機，屋企地方又夠大，當然可以考慮用單反慢慢玩，想想怎樣構圖，嘗試為 BB 擺 Post 影靚相。但係對於小弟這類純粹希望為 BB 拍低成長記錄，又或者隨心情、隨隨便便拍的朋友，只要擁有一部手機便可以拍到不錯的相片了（iPhone 廣告都話是你最想擁有的相機吧）。小弟認為影靚相不外乎兩類，1.) 主角靚 / 2.) 主角 + 背景靚，但是 BB 長期睡在床上，又有大量包被、衣服、口水布包到「實一實」，想想已經知道不是後者的靚相了。新一代手機如 iPhone 5s，最大好處是影相反應夠快，可以一笑即影，另外又提供大量的連拍、Effect、自動修正功能，功能比起 DC 亦有過之而無不及（畫質另計），由見到 BB 笑至影相可能 1 秒之內便可以完成，勉強還能捕捉到 BB 一迅即逝的表情呢！
▲好多時你玩佢個下爬又或者「面珠」都可以令佢自自然然笑起黎呢！
連拍才是皇道
想捕捉到 BB 開心、笑、古怪表情的一剎那，小弟建議一定要「狂影 / 連拍」先有機會成功！ 隨時可能是影 10 張才有 1 張合心水的相片，甚至更多。幸好用手機影相唔駛錢，Memory 卡亦有較多空間，大家不妨盡可能一邊逗 BB 玩，一邊單手拍攝，而小弟的 BB 當逗她的「下爸」、面珠有時很容易便會笑起上來呢！希望大家亦可以多為 BB 留低美好的一刻，千萬別要太過強求為了影一張完美的靚相而錯失 BB 最美一刻呢！
▲小弟個 BB 女好古怪，幫佢對腳做「踩單車」動作，佢都會自己笑一餐呢，唔通大個想做李慧詩為港爭光！？
分享到 :
最新影片
