Microsoft 即將係 7 月 29 日起，有一個輕微而又用家唔願意見到既變化： Windows 10 將會自動更新，無論你想更新定唔想更新都好。
Windows 將會係許可協議上有所變化，如果你接受呢啲條款，你將會收到自動更新而無需任何通知，詳細條款如下：
軟件定期檢查系統和應用程式更新﹑下載和安裝它們。
你可能只能從 Microsoft 及其授權來源獲取更新， Microsoft 可能需要更新你的系統為你提供這些更新。
接受這項協議，你將同意接受這類型的自動更新，而無需額外的通知。
即係意味著用户係以後唔可能再推遲更新。雖然用户就無得再自行決定幾時更新，不過其實對用户既安全性都有一定既保障既：因為好多人無休止咁推遲 Windows 更新，而呢啲更新正正就係修復舊版本可能會出現既安全風險，自動更新就幫用户唔需要隨時 check 住。不過 Windows 10 每個月都有自動更新，如果做做下野更新就麻煩啦。而今次既自動更新只涉及 Home 版本用家，而 Business 版的用户就仍然可以推遲更新到你需要既時候先做，皆因 Windows 10 Pro 有唔一樣既更新政策。
來源： The Next Web
舊電腦 Win 10 小算盤、相片無法啟動 外媒：或因硬件太舊
