仲有唔夠十日就係普天同慶嘅聖誕佳節，仲係度煩惱緊應該送乜嘢俾最緊張嘅佢做聖誕禮物？無論你最緊張嘅係你嘅爸爸、媽媽、阿爺、阿嫲，定係身邊嘅另一半，由香港牌子 HeHa Digital Health Limited 所推出嘅智能健康手環 HeHa Qi 或 HeHa Dao，肯定可以將你最緊張佢健康嘅心意傳達畀佢知道。依家仲可以去上環無限極廣場嘅免費體驗站，或上 Yahoo 嘅團購活動，都會有聖誕優惠，令呢件聖誕禮物更加物超所值。
雖然「健康係最重要嘅財產」呢句說話好多人都識講，甚至可以話老生常談到開始老套嘅地步，不過生活於大都市，尤其係生活係香港地，又有幾多個人可以認認真真照顧一下自己嘅健康？工作壓力大，食無定時唔在講，長期睡眠不足，搞到一個二個好日都唔去運動，健康又點會好？與其日夜提醒對方做運動，不如趁聖誕節送俾親友呢款 HeHa Qi 智能健康手環。對方打開禮物盒，就會自然明白你鼓勵佢注重自己健康嘅心意。
準確更勝智能手錶
可能有啲朋友會以為，健康手環嘅主要功能，其實智能手錶一樣可以做到，咁樣諗嘅話可以話係大錯特錯。首先，唔少智能手錶嘅健康功能其實係以「搭單」形式出現，而且一般都要去到比較高階嘅智能手錶，先會設有量度心跳嘅功能，除咗價錢分分鐘要兩千銀以上之外，準確度同專門用嚟監察健康嘅健康手環更加唔可能用嚟比較。
HeHa Qi 可以隨時隨地監測及紀錄身體嘅健康狀況，佢所使用嘅技術，係比起一般智能手錶用嚟量度心率嘅光學感應器（Photoplethysmography/PPG）更加準確嘅乾性電極技術（Electrocardiography/ECG）去準確監測心電訊號及心率資料。當中嘅操作原理，其實係要利用 HeHa Qi 正面嘅金屬按鈕同埋底部嘅金屬接觸面，好似電流嘅正負極，係測試嘅時候形成一個經過心臟嘅電流回路去測試人體嘅心電信號。再配合美國太空總署 NASA 開發，原本用嚟分析太空穿梭系統損壞情況嘅 HHT（Hilbert-Huang Transform）演算法去解讀訊號，嚟達到更準確咁通過心率變異分析（HRV），去評估身體嘅健康狀況。
獲哈佛和台大醫學院嚴選
大家唔好睇小 HeHa Qi 只係一隻簡單嘅健康手環，呢個心率感應嘅設計，基本上同醫院用嘅心電圖機器運作原理同出一轍。難怪由台灣國立中央大學共同研發嘅 HeHa Qi，會被哈佛大學醫學院同埋國立台大醫學院，採用係臨床研究上面作為健康監測嘅設備。所以 HeHa Qi 特別適合送俾家中長輩用嚟監察健康，因為 HeHa Qi 提供嘅數據可以對佢哋嘅心臟健康狀況起到好大監察作用。而現今喺心血管疾病年輕化嘅日子，亦確實喺有需要專業設備嚟關注自己嘅健康。
2 分鐘靜態心率測試瞭解身體綜合狀況
而 HeHa Qi 除咗比一般 SmartBand 更準之外，亦都設獨有嘅健康評估：2分鐘體檢：心電信號監測分析。只要將健康手環戴上，連接HeHa App，按照指示進行簡單操作，跟住手環就會用幫你測量 2 分鐘內嘅心跳率變異，從而而判斷自主神經系統的健康狀況，包含 4 個範疇嘅詳細評估：復原力 (即係你從緊張狀態回復到放鬆狀態嘅能力)、生理年齡 (測試你嘅生理機能相等於幾歲)、壓力、平衡 (分析負責平衡嘅交感神經同副交感神經嘅活性，評估身體平衡力)，最終評估出您的「HeHa 健康指數」。
▲詳細嘅結果會係體檢之後顯示，各個項目嘅能力都有詳細結果。
3 分鐘呼吸訓練助減壓
而另外，HeHa Qi 嘅 3 分鐘呼吸訓練係可以幫助大家減壓。使用者只需要輕觸手環正面嘅金屬按鈕，靜坐並跟 HeHa App 指示進行深呼吸，3分鐘后就可以達到減壓效果。 3分鐘呼吸訓練特別強調實時回饋，即時監測呼吸長度同深度，有無適當驅動心跳節律變化；有助令副交感神經更活躍，從而降高血壓和減輕精神壓力。
呢項訓練已經受到美國心臟協會證實，健康手環設備引導呼吸訓練，比瑜伽呼吸訓練作為高血壓等多種慢性病替代治療更有效。
當然，HeHa Qi 嘅功能自然唔剩止心率監測同呼吸訓練兩個功能。當中嘅計步器、睡眠監察及呼吸訓練，都可以話係非常實用嘅功能。HeHa Qi 嘅計步器主要係通過重力感應器嚟測量步數，而當使用者每分鐘步數超過 110 步嘅時候，HeHa Qi 就會視使用者正在進行跑步一類嘅運動，將有關時段列為活躍時間。廠方指出 HeHa Qi 嘅睡眠監察亦都比市面上同類產品準確，同台灣成功大學睡眠實驗室測試當中嘅專業睡眠檢測儀相比，HeHa Qi 嘅睡眠判斷一致程度竟然達到 88%，遠高於市面其他產品一般不足五成嘅水平。HeHa Qi提供防水功能，支持10 米防水，亦可以提供無聲震動鬧鐘功能。
HeHa Dao 青春外形更適合運動一族
若果收禮物嘅親友無太多健康擔憂，反而係運動愛好者嘅話，另一款智能手帶 HeHa Dao 亦都係一款唔錯嘅聖誕禮物選擇。外形非常年輕搶眼嘅 HeHa Dao 設有五種不同顏色嘅手帶設計，特別適合喜歡運動嘅朋友配戴。HeHa Dao 設有準確嘅計步器與及睡眠監察功能。只要 24 小時配戴，HeHa Dao 就可以為使用者記錄日常生活數據，再計算已經燃燒嘅卡路里，非常適合年青人及運動愛好者去關注健康。
免費體驗站
另外，即日起到 24/12/2015 （星期六丶日及 18/12 除外），每日嘅 11:30 a.m. 到 3:30 p.m.，於上環地鐵 E 出口無限極廣場仲舉行緊 HeHa 免費體驗站添！現場將有職員向各位詳細介紹兩款手環嘅功能以及將有特別優惠，各位千祈唔好錯過！
團購推出優惠及加送禮物
同時 HeHa Qi 及 HeHa Dao 都喺 Yahoo 團購提供優惠，其中原價 $1,099 嘅 HeHa Qi 團購價為一隻 $999，加送迷你電子磅 1 個；兩隻 HeHa Qi 嘅團購價更只需 $1,898，再加送迷你電子磅 2 個及護腕 2 個。另外原價 $499 嘅 HeHa Dao 團購價為 $299，兩隻 HeHa Dao 團購價為 $588，同 HeHa Qi 一樣會加迷你電子磅及護腕。有興趣就把握機會快啲買嗱！
詳情：按此
