籮文:「影相麻麻 電量十足」紅米 Note 3 初步評測

讚好此文:

十二月 18, 2015 •手提電話, 手機測試, 評測

小米早前在北京所舉行的發表會上公佈了不少新產品,當中最值得留意的就必定非紅米 Note 3 莫屬,紅米 Note 3 採用了金屬機身及配備指紋感應器。距離上一代推出只有短短 100 日,究竟佢抵唔抵玩呢?就等我籮文同大家快速試試啦!

xiaominote313

金屬機身‧外型升格

上一代紅米 Note 2 走青春路線,用上色彩鮮豔嘅膠背蓋;黎到第三代,最大變化就係點膠成金,飛走膠感。紅米 Note 3 其中一個大賣點就係採用金屬機身設計,雖然並非「全金屬機身」,機背金屬殼採用三段式設計,中央大面積為金屬,而上下兩端則會用上塑膠材料,但整體外型已經升格不少。不過揸上手又厚又重,加上金屬背蓋有點跣手,手感略為笨重。

xiaominote302

▲雖然唔係「全金屬機身」,機背金屬殼採用三段式設計,中央大面積為金屬,而上下兩端則會用上塑膠材料,但整體感覺已經升格唔少。

xiaominote314

▲上手感覺比較厚身同重身,機背有點兒跣手。

xiaominote304

▲機身厚度差不多有一粒 AAA 電。

xiaominote315

▲MicroUSB 位在機底。

xiaominote306

▲3.5mm 耳機孔在機頂。

xiaominote307

▲雙 Sim Card 插槽於左側。

xiaominote308

▲左側有音量鍵及開關鍵。

xiaominote309

▲機面有銀色邊突顯機身。

加入指紋識別準確度高

紅米 Note 3 另一賣點就是加入指紋識別功能,除可用來開鎖手機之外,亦可支援小米錢包這項流動支付服務。登記指紋需時比其他手機長,需要按壓十幾次,不過可以話一勞永逸,因為解鎖準確度十分高,而且解鎖不需要先按開關鍵,只要直接將指紋按到識別器就可以快速解鎖,速度亦頗快。

xiaominote310

▲紅米 Note 3 一大賣點就是加入指紋識別功能,除可用來開鎖手機之外,同時亦可支援小米錢包這項流動支付服務。

MINOTE3cap11

▲登記指紋需時比其他手機長,需要按壓十幾次,但係可以話係一勞永逸,因為解鎖準確度十分高。

維持上代熒幕規格

紅米 Note 3 繼續沿用上一代的 5.5 吋 1080p 螢幕,像素密度達到 401ppi ,清晰度算頗高,就算極近距離用肉眼望都未有見到字體有起格情形。而更要一讚的是亮度,紅米 Note 3 熒幕亮度十分高,調到最光的話更有點刺眼,相信就算在烈日當空下使用,都可以清楚閱讀熒幕顯示。而喇叭位於機背,音量較到 70% 左右聲音就開始拆,整體音量夠大聲,但音質只算一般。

xiaominote318

▲像素密度達到 401ppi ,清晰度算頗高,亦未覺有嚴重偏色問題。

MINOTE324

▲就算極近距離用肉眼望都未有見到字體有起格情形。

MINOTE309

▲而喇叭位於機背,音量較到70%左右聲音就開始拆,但整體音量都夠大聲。

千三萬像素鏡頭質素一般

主鏡頭用上 1,300 萬像素感應器,最高解像度達 4,160 x 3,120,雖有高像素優勢,但吸光度低,光圈只有 F/2.2,低光環境下拍照會出現嚴重雜訊問題,而且缺乏 OIS 光學防震,容易有手震導致的鬆郁矇情況,但戶外日光下成像都算可以接受,線條尚算清晰,背光時亦可以使用 HDR 功能彌補暗位。前鏡方面有 500 萬像素,內置低中高 3 級美顏功能,而且預設一個幾無聊的「估你係男定女,同埋幾多歲」功能,不過大家當它「玩玩下」好了,籮文試過極唔準,完全估錯我歲數,嬲呀!

xiaominote311

▲後置主鏡頭用上 1,300 萬像素感應器,最高解像度達 4,160 x 3,120。

MINOTE3cap05

Screen Shot 2015-12-17 at 8.15.57 PM

▲放大可以見到有油畫化問題

MINOTE3cap01

Screen Shot 2015-12-17 at 8.17.30 PM

▲暗位雜訊問題更嚴重。

MINOTE3cap21

▲前鏡方面有 500 萬像素,內置低中高 3 級美顏功能,而且預設一個幾無聊的「估你係男定女,同埋幾多歲」功能,仲要估錯我歲數,嬲呀!

MINOTE3cap14
▲亦有不同濾鏡效果。

電量特大用到 10 小時以上

紅米 Note 3 規格不算很高,但都用上 MTK MT6795 八核處理器,亦有兩個型號供大家選擇: 2GB RAM / 內建儲存容量 16GB 或 3GB RAM / 內建儲存容量 32GB,籮文手上的 3GB RAM + 32GB ROM 版本跑安兔兔 v6.0 只跑到 51,550 分,成績只屬一般。但勝在有 4,000 mAh 特大電池,日常使用打機睇片都可以用到 10 小時以上,可以話係長氣王。

MINOTE3cap15

▲籮文手上的 3GB RAM + 32GB ROM 版本跑安兔兔 v6.0 只跑到 51,550 分,只屬一般。

MINOTE3cap16

▲但勝在有 4,000 mAh 特大電池,日常使用打機睇片都可以用到 10 小時以上,可以話係長氣王。

籮文:「電量十足 抵玩!係影相爭啲…」

依部紅米 Note 3 外型靚唔靚就見仁見智,但係就真係再冇其他手機嘅影子,有獨樹一格嘅感覺。規格來講中規中矩,好彩電量就十足,可以用足十幾個鐘,不過影相就差少少啦,如果你本身有相機,依家只係需要一部手機,依部都諗得過嘅,話晒只係千幾蚊貨仔,算係咁啦。

MINOTE3capha02

售價:899 元人民幣起(香港未有行貨)
查詢:小米(3001 1888)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章