聽日就係 Apple Store 廣東道分店開幕的大日子，唔知有幾多 wire 民會聽朝清晨去排隊等拿紀念品呢？就在開幕前一晚，Edward 就去了新店一趟，並採訪了幾位打算守在店外等一晚的 Apple 粉絲。其中一位香港粉絲 Steve 就表示第一次無得排隊：「好怪！」究竟點解？而家就同大家了解一下。
在同 Apple 粉絲傾計之前，就等 Edward 同大家分享一下呢間新分店究竟係點先啦（由於未能入店，所以只能拍到 G/F 的擺設）。
▲廣東道 Apple Store 分店正是位於廣東道 271 巴士總站旁。
▲要留意巴士站明天早上會暫停使用，總站會搬至九龍鐵路站，如果大埔的果粉打算聽朝搭巴士出來「朝聖」，就唔好諗住搭到總站落車啦。
▲門口已有告示寫住開幕典禮會係 9am 舉行。
▲Apple Store 廣東道分店其實位於彩星中心，旁邊上樓上的通道變了單邊全透明玻璃。
▲舖內擺設一覽無遺。
▲出返街外，見到已擺放一大堆鐵馬同埋水馬，應該是預留俾聽朝俾果粉們排隊之用。但收到風鐵馬水馬會 5 點左右先擺好，大家就唔洗太早去排隊了。
▲去返正門，見到一班應該是 Apple 高層正在巡視新店，應該係為開幕典禮做最後準備。
▲正門一入門口擺放了 3 張頂部是玻璃的木檯，是 Apple Watch 的展示及試戴區域。
▲而左邊就是 iPhone 展示區域。
▲右邊較近門口的是 iPad 展示區域。
▲較近牆的就是 MacBook 展示區域。
▲最右手邊設有透明 Apple 自家設計的樓梯，來往地面層與樓上 Genius Bar 及樓下配件展示層。
▲樓梯後的就是快速付款區，俾錢就係呢度勒！
Steve：「怪怪地但明白安排」
Steve 是香港本土 Apple 粉絲，他表示支援 Apple 已有一段時間，但今次是 Apple 第一次開街舖（之前 3 間分店都是開在商場內），所以來到之後，商店保安表示由於擔心大量粉絲聚集在街上，引來警察注意，所以不像過往 3 次開幕般設通宵排隊：「感覺係有啲失望架啦，始終之前同其他粉絲一齊通宵排隊，今次唔可以始終怪怪地。不過都可以理解，因為今次係開街舖，Apple 要顧慮的事比較多，只要屆時唔好太混亂就可以了。」咁打算點樣捱足一晚？「我預備了一本書，邊睇邊等時間好快就過架啦！」
▲右方的就是香港果粉 Steve。
至於另一位專程由廣州落來香港參加今次廣東道 Apple Store 開幕的 Mike，過往 3 次香港 Apple Store 開幕都有來，今次亦不例外：「無得排隊，附近又無乜嘢好睇好玩，好彩好似上幾次咁，一早做好準備帶齊裝備，上網上足成晚，好快就捱得到開門。」
Mike：「今次特別多中國粉絲來港」
Mike 更表示，他發現今次特別多中國粉絲來香港參與 Apple Store 廣東道的開幕典禮，有些甚至是第一次來港參與香港的 Apple Store 開幕日，他對此現象都覺得有點奇怪：「同佢哋聯絡過，其中有一班人一行 4 個人，他們由蘇州來，之前參加過兩間（位於中國的 Apple Store）舖的開幕典禮，一間是杭州，另一間是無鍚。今次與一班朋友飛過來，全部是忠實粉絲，而且是順路來玩。他們在中國流行一種對品牌的信仰，例如：索尼（Sony）有一群粉絲呼喊一句口號，叫做『索尼大法好』，而呢班就是忠實果粉，對 Apple 的崇拜猶如一種信仰，所以就不惜遠道來香港參加今次開幕禮。」
▲Mike（左）每次 Apple Store 開幕都會盡量出席，而香港 4 間 Apple Store（包括今次廣東道）他都沒有錯過過。
黃先生：「來香港望收藏非黑紀念 Tee！」
另外，在廣東道 Apple Store 外亦剛好碰到一位來自北京的「果粉」黃先生，他表示成為果粉已有 5 年之久，第一部擁有的手機就是 iPhone 4，到現在一直都是用 iPhone。他覺得現在主流手機系統都是 iOS 及 Android，但覺得 Android 使用起來不連貫（按他所說是比較斷），而且很多東西需要調整；而 iOS 感覺生態環境比較好，不少開發者一直都在開發不少 APP，而且很多用戶都覺得 iPhone 用起來比較好，所以一直支持到今日。黃先生更表示，以前都去過其他 Apple Store 的開幕禮，包括：天津、北京王府井、北京華貿購物中心及北京西單大悅城，而香港的 Apple Store 開幕典禮，今次是第一次參與：「上次銅鑼灣希慎店開幕，晚了 3 天才來，趕不及開幕典禮了，很可惜。今次第一次在香港參與 Apple Store 開幕禮，心情蠻不錯，希望能夠收到不再是黑色的紀念 Tee，可以用來收藏。（Edward：今次聽聞紀念 Tee 是白色的哦！）是嗎？那就好了！終於不用再拿一件黑色 Tee 回家了！」他更表示之前收過的開幕 Tee，平常都捨不得經常穿，只是間唔時著一兩次，然後就會收起。
至於對將推出的 Apple 產品，例如：有傳會在九月推出的 iPhone 6s 及 iPhone 6s Plus，以及之後有傳會推出的 iPad Pro，他也很期待，但仍不確定是否會購買：「iPad Pro 現在還不知道它的定位是怎樣，不過是新產品系列，應該會買回來嘗鮮一下。至於 iPhone，其實現在的 iPhone 6 在性能上都已經提升得挺不錯，我今次來香港才剛買了一台新的 iPhone 6，至於會否購買 iPhone 6s，就要看有什麼新功能，有傳新機會加入已應用在 Apple Watch 的 Force Touch 技術，是一個很重要的功能提升，如果真的話，而機背鏡頭不再凸出來，到時候應該都會換機罷！（笑~~）」
相關文章:
中國大陸第 57 間 Apple Store 本月稍後時間上海開業
分享到 :
最新影片
