你以為自己創業就等於自己係老細，終於可以發圍？發夢冇咁早！創左業之後，你喺公司入面好似係最大粒嗰個，好似係你出糧俾下屬，好似係負責監工，但實情係個客先係你老闆，要不是 中央政府 個客關照你們，哪有錢？（OK，做自己 Product 另計 :P）論
1. 不要把他看作監工
正常（最好的情況）來說，你老闆或你個客應該係做一個輔助你完成你份工作的角色，而唔只係?實你有冇做野。佢應該會俾到你要嘅料你，幫你做「最好的」決定，仲會適時調整薪酬。所以佢都有野做的，不要以為佢只係印印腳，睇下你做好啲工作未。
2. 話一就一，話二就二
你老闆或你個客一定係信得過你先交啲嘢俾你做，所以當你應承得佢的話，就要做到、跟足、同埋 keep them in the loop。做唔到唔好夾硬黎，到時兩頭唔到岸，盞大家麻煩。
3. 唔好嚇親佢地
就算你做錯左 / 做得唔好 / 做唔到，點到好，一定要及時向你老闆或你個客匯報。你當然唔想留個壞印象俾老細啦，但都唔好等到最後一秒先講，因為到時想糾正都可能已經太遲了。
4. 認真便贏了
老闆或客戶總愛挑剔，這是公認的事實，但大家都應該知道冇人係完美的，所以只要你認真、用心做，人地係有眼睇的，同時你都要學識接受老闆或個客的意見，唔合理的批評也要學識一笑置之。
5. 不要問，只要做
當你發現老闆或個客做嘅決定非常不濟，作為優秀員工的你，一定會提出一個更好的解決方案！但你發現佢地偏偏喜歡堅持己見，咁呢個時候，作為一個醒目仔，無論你幾唔贊成都好，你梗係會做好佢地安排俾你的工作啦！至於檢討的時候，要提出問題的話，你當然都係要老老實實講返出黎，但係千祈唔好講：一早話左你架啦～（小編：呢個簡直係真諦）
6. 不要提出解決不到的問題
有啲人好鍾意以搲水吹的形式向你套口風，聰明的你一定要時刻警覺，唔好咁輕易將你的不滿或怨氣或投訴唔覺意講左俾佢地知。除非你可以係呢個搲水吹的過程當中提出反建議，但係咁高難度，唔好胡亂挑戰呀！
7. 簡短易明的溝通
用最簡單直接的方法同佢地講重點，省卻不必要的遊花園機會，慳返口水同埋時間。
8. 讓他們了解你
個個老闆都有自己一套「管理哲學」，你可以選擇配合老闆，又或者同佢講你認為最好的合作方式，雙方試著遷就。後者需要你對自己的了解，以及向老闆提出要求的膽量。加油！
9. 開會前做足準備
有啲人開會的時候好鍾意失驚無神問你一啲數字、甚至係上幾次開會時講過的內容。如果你係電腦就冇問題啦，但你唔係的話就記住做多幾手準備喇，一陣俾人問到口啞啞就弊傢伙喇！
10. 俾面你老闆
無論你接單 job 返黎的時候係點，做的時候切記一點，讓你老闆覺得有頭有面！你以為外國人不重視呢樣野？錯了！佢地只係將面子說成「專業形象」！工作從來都是雙向的，你俾面佢，佢咪俾面你囉，如果你發現佢冇咁做到，咁你係時候諗諗下次仲接唔接單 job 喇。
來源：Forbes
甚麼是 unwire.space ?
unwire.hk 作為生活科技網站，一直有報道生活科技，亦有採訪科技創新企業，我們現正略盡綿力推動一下香港創業文化的發展，因此推出類似現時流行的 co-working space 概念工作間 – Unwire Space，就在我們位於觀塘區的編輯室旁，方便我們採訪報導。而 Co-working space 結合新媒體宣傳力，不就是我們與眾不同的 unwire.space 了嗎？
分享到 :
最新影片
