永遠既小學 3年級學生小丸子，原來今年已經 25歲啦！為左隆重其事，小丸子既家人、好友一齊到左台北既華山文創園區同小丸子慶祝生日。「櫻桃小丸子學園祭-25周年特展」於 6月19日 至 9月13日舉行，以學園祭運動會為主題既 7大展區都係以作者櫻桃子的童年為藍本，小編就發現有極多影相位。暑假打算去台北既朋友一定要去啊！
小丸子家經典再現
講到小丸子，你一定會記得櫻桃家 6口既生活趣事。小丸子家經典再現既展區入面，你就可以走進櫻桃家，重溫小丸子、爸爸、媽媽、爺爺同奶奶既日常趣事。而這裡第一個場景就係小丸子一家人食飯既畫面，還挺溫馨感動啊！爸爸仲好似飲醉左咁添！
▲ 媽媽正興高彩烈咁講緊今晚煮咩新菜式，但睇小丸子既表情好似唔太想食波。
▲向來不拘小節既小丸子經常都整到間房好亂，激到姐姐死死下！
▲ 連小丸子同爸爸浸浴既情境有呢，望住佢地浸得咁舒服，好想跳埋落去啊！
友藏爺爺經典俳句
相信大家都會記得小丸子同爺爺既搞笑又溫馨既場面。兩人爺孫之間真摯既情感完全係友藏爺爺經典俳句展區到體現出來，爺爺身後出現一句句經典的俳句內心戲，既真實又感動。
▲ 係模擬情境入面，爺爺背後浮現一句句想對小丸子講既俳句，就算唔識日文，諗番起動畫入面爺爺講既野，都覺得非常搞笑。如果有埋配音就更加好啦！
永遠的3年4班
除左家庭生活，小丸子既校園生活都係另一個重點。小丸子係學校同同學相處不時都搞出唔少笑料。而永遠的 3年4班展區就依照住 3年 4班既課室所造，入面仲有花輪、野口、衫山、永澤等同學等你同佢影相。
▲ 座位表上可以睇到班上每個同學們坐既位置。坐小丸子隔離既當然係小玉啦！
▲ 小玉好似同小杉同學研究緊今日既午餐好唔好食啊！
▲ 課室後面仲有最有型既花輪同學啊！
▲ 野口同學就同平時一樣，躲係儲物櫃旁邊，偷聽大家講野。
學園祭運動會
學園生活其中最值得記住既就係運動會。學園祭運動會展區就係將 3年4班參加接力、拔河、投籃等比賽既情境放係大家眼前。
▲ 大家仲記唔記得佢地叫咩名呀？由左至右分別係丸尾、花輪、小丸子、小玉同野口。
▲ 小丸子要跑快 D 啦！後面既野口追緊上嚟呀！爸爸、媽媽、爺爺同奶奶都同緊你打熱架！
夏日夜晚祭典
日本既夏天令人最期待既就係祭典，係祭典可以見到小丸子同花輪著住浴衣散步。另外仲有不少烤玉米、章魚燒等攤位，很逼真呢！
▲小丸子同花輪著住浴衣散步。
櫻桃子老師手稿收藏
除左以上幾區既影相位，櫻桃子老師手稿收藏區就放左一些櫻桃子老師既珍貴手稿同整個漫畫卡通繪製既過程，更有短片展示，一連串既上色過程，可以慢慢的欣賞。
▲ 櫻桃子老師既珍貴手稿，相當值得欣賞。
▲ 櫻桃子老師既工作桌，原來相當樸素、整齊，一 D 都唔似小編想像中漫畫家既工作桌咁混亂呢！
流行跨界創作
小丸子除左件吊帶紅色裙外，偶然都會跟花輪同學扮下潮。今次台灣代理商就邀請左 25位名人來幫小丸子玩偶設計服裝造型，仲會係展覽期間做慈善拍賣，將拍賣所得全數作為幫助兒童的善款。另外，還有一台花輪專屬既名貴跑車，車牌號碼更係花輪呢！
▲ 25隻唔同造型既小丸子入面，你又最鍾意邊隻呢？
櫻桃 Pop-Up Store
睇完展覽當然要去 Pop-up Store 掃 D 手信番屋企啦。呢度除左有比較常見既明信片、筆記本、T恤外，仲有印左小丸子圖案既鳳梨酥、雪條等，非常特別啊！
▲ Line T恤就成日見到人著出街，唔知小丸子 T恤係又敢唔敢著呢？
▲ 扭蛋機入面咁多款，唔知會抽中櫻桃小丸子入面邊個角色呢？
▲ 小編覺得最特別既手信一定係印有小丸子圖案既鳳梨酥啦！
分享到 :
最新影片
