櫻桃小丸子主題cafe 壓軸登場尖沙咀!小丸子斯文一面

讚好此文:

十二月 24, 2016 •玩樂好去處, 生活評測, 飲食

「問題天天都多」嘅小丸子最近令粉絲們很忙很忙,但並唔係佢又闖禍,而係一次過係香港各區開咗 3間期間限定 Cafe,仲要 3間唔同主題,佈置同菜式都有分別,要試齊 3間唔忙就假!我依莉詩今日就去咗壓軸登場嘅尖沙咀美麗華店,同小丸子一家享受一個歐陸式嘅午餐。

歐陸主題顯小丸子斯文一面

小丸子一向活躍可愛,鬼主意多多,原來都有斯文一面,美麗華店嘅以華麗歐陸式做主題。3間店中雖然呢間係最細,不過佈置上都算有心思,穿過花花拱門,1:1 小丸子、友藏爺爺、爸爸、媽媽、家姐及嫲嫲盛裝等待每一位貴賓。而牆上亦掛滿小丸子一家歐陸式風情時裝造型圖畫,好似被小丸子包圍一樣。

▲ 1:1 爸爸、媽媽、家姐、小丸子、友藏爺爺、嫲嫲 立體公仔係門口等大家自拍。

▲ 雖然店面唔算大,而且只有一半用作主題餐廳,不過牆上掛滿歐陸風情掛畫,睇落小丸子特別斯文。

▲ 每個位都會有小丸子咕o臣陪大家食飯。

▲ 餐牌上嘅小丸子散發陣陣少女味。

爺爺得得意意菜式

Izumi Curry 最出名就係咖喱,今次美麗華店就特別推出了抹茶咖喱飯,加上用紫菜同車厘茄砌成嘅小丸子,十分可愛。不過今次嘅菜式大多都係插上公仔紙牌,比起之前 B-Duck 同 薯蛋頭 嘅菜式,未必能滿足到「相機食先」嘅朋友。

▲ 小丸子抹茶咖喱飯 $105

抹茶咖喱聽落十分吸引,加上用紫菜同車厘茄砌成嘅小丸子,十分可愛,不過抹茶未算明顯。如果係抹茶愛好者,我會建議試試抹茶炒飯。

▲ 吉列炸蝦芝士漢堡扒飯 $119

同樣有可愛嘅小丸子飯,加上吉列炸蝦芝士漢堡扒同薯條,份量十足。

▲ 抹茶炒飯 待定

抹茶炒飯回甘味重,帶少少苦澀,抹茶愛好者必定要試!

▲ 關東煮 待定

冬天食熱辣辣嘅關東煮感覺一定好幸福,配合味增味濃郁嘅飯,好有日本特色。

▲ 鮮茄漢堡扒意粉 $109

配合歐洲風情,小丸子同姐姐企係漢堡扒上跳舞,十分可愛,意粉酸酸甜甜十分惹味。

▲ 明太子海鮮意粉 $109

爺爺同小丸子幾時都咁有趣,明太子同意粉 crossover ,就似足佢地咁特別。

▲ 特色小食 $29-45

除咗主菜,仲有多款小食,不過就唔係款款都有裝飾。

▲ 多瑙河、薄荷、草莓特飲 $39

限定等你掃

齋食又點會夠,尖沙咀美麗華 You and Me店 (小丸子專門店)同 葵芳新都會 Izumi Curry 店 都會推出限定精品,立體小丸子USB超可愛架!粉絲們一定荷包大出血了!

▲ 小丸子與家人茶杯套裝 $129

▲  立體小丸子USB  $299

▲ 小丸子小玉縮骨遮 $299

▲ 友藏爺爺縮骨遮 $299

小丸子蓋印大行動

由12月21日起,3間 cafe亦會同時推出小丸子蓋印大行動,大家可以去齊 3間 cafe 集齊唔同款式嘅小丸子蓋印,證明自己係小丸子忠粉呢!

▲ APM 店以貓為主題,丸子同同學以超萌貓貓造型現身,展現出貓咪的日常姿態

▲ 葵芳店以 3年4班的烹飪課為主題。店內的佈置就如烹飪班房一樣,每個座位嘅背後都印有各同學嘅名。唔知道你能否坐到小丸子個位呢?就連餐牌嘅設計都別具心栽,以小學手冊為設計基礎,餐牌後更印有九因歌,與大家一起回憶童年。更特別的是,今次的餐牌是可以選購回家作珍藏之用。

依莉詩:「佈置花心思,但食物驚喜不大」

佈置上 3間都以不同小丸子造型為主題,相信忠粉一定會去晒 3間分店打卡。不過食物上大多只係插上公仔紙牌,比起之前 B-Duck 同 薯蛋頭 嘅菜式,未必能滿足到「相機食先」嘅朋友。如果真係只去一間,我會建議大家去新都會店,每個座位嘅背後都印有各同學嘅名,十分有特色呢!

相關影片:

 

 

櫻桃小丸子期間限定cafe
尖沙咀Mira Mall  110 號舖
觀塘APM,一田超市
葵芳新都會店 109 號舖
 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , , ,

讚好此文:


Comments are closed.

unwire TV

/%2F&show_text=1&width=694" width="694" height="547" style="border:none;overflow:hidden" scrolling="no" frameborder="0" allowTransparency="true">


更多同類文章:

最新文章