主頁 / 手提電話 / CSL 4G LTE 最詳速度測試! 走訪 17 個熱點.結果:強差人意!

CSL 4G LTE 最詳速度測試! 走訪 17 個熱點.結果:強差人意!



上星期 CSL 正式在港推出了 4G LTE 服務,$399 月費就能享用 100Mbps 高速看似很便宜,其實背後 4G 實際的速度如何呢? 只在一個或數個熱點去測試是不足反映現實,所以今次 unwire.hk 聯同商業資訊網 HKIT Blog 站合作測試,針對性地走訪港人經常去的地標、商場及工商區域作詳細的測試,務求將 4G LTE 的現實情況反映帶給各位看。

 

傳媒版本無鎖卡?

1010 的 Express 100 Modem 是中興的 AL621,內置使用了雙天線設計加強接收,在是次的測試中此 Modem 在運作時比較熱。有趣的是 CSL 提供傳媒測試的版本沒有 SIM LOCK,記者插入 PCCW NextGen 及 3HK 的 SIM 咭都可以正常運作,而且平均速度更比原來的 Modem 要高,這可能是 AL621 的雙天線設計加強了接收訊號所致。

 

暫只支援 Windows

首次插入 4G LTE Modem後,會提示用家安裝驅動程式及軟件,過程中不需任何 Driver 碟。可惜的是,現暫只支援 Windows 平台,據官方負責人指要下一代才能提供 Mac 的支援,到時會安排用家免費升級使用新一代 Modem。

 

限速? 平等條約的回應

很多人都關心使用平等條約的問題,意即當你大量使用時就會被鎖速,官方認為你在濫用資源,把你鎖速以保其他用家的利益。到底何謂「濫用」暫時全由電訊商所決定,我們就此問題在上年十一月 CSL 4G 發佈會上,訪問了CSL 科技總裁,其意思好像 LTE 暫時不需對用家鎖速。

Unwire.hk : LTE 會像現時的 3G 般,有速度限制 (Speed blocking)嗎?

CSL 科技總裁 – Christian Daigneault :出現 Speed Blocking 的情況是因為 3G 網絡容量接近飽和,為顧及網絡的整體流暢度及其他用家的共同利益,有需要在某時段上對用家作出速度的限制。正因如此我們才搶先一步推出 LTE ,由於 LTE 容量極大,能為大量用家提供充足的頻寬,我們跟本不需要去限制用家的速度。

 


全港 17 個熱點測試

是次測試我們走偏全港 17 個熱點,當中包括工商地方及多個香港地標、商場,unwire.hk 主要責負娛樂及商場區域,HKITBLOG 網站主要負責商業區域。

1.觀塘 APM

位於觀塘的 APM 是觀塘的中心地帶,娛樂及購物人士必到。

 

2,九龍灣 Megabox

九龍灣 Megabox 大型購物商場,附近亦是工商大廈區域

 

3.太古城中心

太古城中心,購物及娛樂人士集中地,同時也是住宅區域

 

4.銅鑼灣百德新街

銅鑼灣百德新街,名店及大型商場的集中地,假日大部份人港人必到的消遣地方

 

5.大埔超級城

大埔超級城,大埔購物及娛樂的核心集中地

 

6.元朗恒香老餅家

元朗老餅家,元朗最多人流的地方

 

7.屯門巿廣場

屯門巿廣場,位於屯門巿中心地帶,人流密集

 

8.將軍澳廣場

將軍澳廣場,住宅及購物人流集中地

 

 


 

 

測試一:

本地/外國 SPEEDTEST.NET 測試

Speedtest.net 是一個寬頻測試網站,我們會在每個測試地點進行速度測試,並利用香港的網絡連到其他國家的伺服器進行測試,希望藉此取得與不同國家之間的連線上/下載速度。測試國家包括香港、中國長春、台灣台北及美國三藩市,這些國家的網站都是香港人較常會瀏覽。

 

本地的速度測試是最能代表 CSL 4G LTE ,雖然 4G LTE 的理論值為 100Mbps,但在這 8 個熱點測試後得悉,實際速度上載最高只有 13Mbps ,而下載只有 12.5 Mbps ,和理論值有一段相當大的距離。這 8 區內表現最好的是九龍灣,無論上下載速度都相當理想,最差的是太古城及元朗。

 

從 8 個人氣娛樂購物住宅的平均數去看,4G LTE 的本地平均上載速度只有 7.5 Mbps,下載速度約為 5.825 Mbps,各位可能會驚訝速度為何只有這麼慢,現時 3G 也能做得到甚至更快,結果簡直是強差人意。不過若論穩定性的話 4G LTE 暫時會比 3G 更勝一籌,因為現時 3G 用家實在太多,每個發射站都幾乎飽和甚麼有時連話音質素都受影響,在繁忙時間這些熱點的 3G 速度很高機會會變得異常地慢,不過 4G LTE 頻寬多又少用家,所以仍能保持不錯的速度。

 

外國 Speedtest 測試

在是次測試中,由於太古城的連線有問題,多次連都海外都會斷線,以致測試無法完成。不過我們發現, CSL 4G LTE 對台灣的連線表現比本地還要好,而且每個區域的數據都很穩定,高底相差不遠,表現比較差的是中國的連線。

 

 

測試二 :

本地 FTP 上下載

每個地點都會以 FTP 進行上下載測試。(測試檔案大小為 10 MB),主要是為了商業用戶而設的測試項目,因為商業用戶很多時都需要以 FTP 上/下載公司的檔案,這樣便可以大約得知 4G/LTE 在這方面的表現。

在 FTP 測試中,4G LTE 表現比 SpeedTest 好,10MB 檔案一般需時 5-8 秒就能完成,不過重災區太古城就需時超過一分鐘才能下載得到,觀塘及將軍澳上載速度亦比較慢

 

測試三:

Youtube 串流測試

每個地點都會以 Youtube 播放串流影片進行測試,這個測試項目主要為享受流動娛樂用戶而設,模擬他們在不同的地方瀏覽 Youtube 的速度,看看在串流播片中會否出現停頓的問題

測試網址 : http://www.youtube.com/watch?v=XSGBVzeBUbk

重災區太古城中心完全播不到 Youtube,其他地方一般都需時 4-5分半鐘去完成整套 Youtube 的串流 (淺紅色 bar Load 滿)

 

 

總結 : 一個不掉速的 3G 流動寬頻

是次CSL  4G LTE 的娛樂、購物及住宅熱點測試結果,在速度上令人大失所望,跟 100Mbps 理論值差距甚遠,而且 Modem 在使用時也有點熱。不過換個角度去看, 4G LTE 在繁忙時段亦能保持高速不受影響,這一點是 3G 不能做到的,不少用家投訴 3G 在一些繁忙時段慢得要死,這是因為發射站負荷過大所致,所以各位使用 4G 時的心態不要抱著能好像家用的 100Mbps 寬頻般快,只要把他想成是現時香港最快的流動寬頻就好了。筆者個人覺得,以上的熱點都是香港主要的地標位置,電訊商仍未有作出針對性的優化工作實在令人失望,在 4G LTE 發佈會當日,現場能做出下載達 75.3Mbits/s 的高速原來是全無代表性,跟現實相差甚遠。

 

CSL 4G LTE 的專訪

http://unwire.hk/2010/11/26/csl-4g-lte-interview/mobile-phone/

 

CSL 4G LTE 發佈會測試

http://unwire.hk/2011/05/17/first4glte-in-hk/notebook/

 

Speedtest.net 測試截圖

http://www.sendspace.com/file/okjmqt

 

9 個商業熱點 4G LTE 測試

其餘 9 個商用熱點的測試結果,可到友站 HKITBLOG 瀏覽

http://www.hkitblog.com/?p=5652

 

 


***每天送第一手 iPhone 6 及香港科技資訊,按下方 Like 加入我們
The following two tabs change content below.
天恩

天恩

典型右腦型人,愛藝術、善創造、注重圖型設計、常想事情;可是左腦能力較差,表達能力差、錯別字多,努力改進中,望請見諒

17 留言

  1. 點解呢個測試係無測試時間同星期幾既?
    例如
    地點A係星期一中午1330既食飯時間測試
    地點B係星期一晚上2300無人既時間測試
    地點C係商業區但係星期日中午1500無人既時間測試
    呢三個可能性會完全影響測試結果…

  2. 預左架啦…間間公司落d 細字話個條數只係個理論值﹐視乎乜野呢樣果樣情況而定﹐係架喇﹐咁就大q 晒架啦..
    就算3G只得比幾K 你上網你都吹佢唔脹
    當然﹐去到佢地D公司門口就往往快到無輪…

    好似P記咁…什麼一百M WI-FI熱點﹐正正常常o既地方就唔見有o既﹐擺埋晒d完全9唔搭8o既地方﹐驚死多人用… 普通果d wi-fi熱點就慢到你唔想用﹐去到佢門市就"神奇地"無事…

    暫時似D正常人o既3G只係得S記﹐其他公司用黎上下網﹐收下EMAIL就""""OK""""
    上網睇片﹖唔係唔得…等九世啦

    仲有就係果D SPEEDTEST.NET o既result﹐話之你出黎個result快到癲﹐實際到你上網﹐唔好話一樣﹐有一半你都算執身彩﹐要打個電話去多謝佢

    其實點"快"都冇意思﹐一多人用就塞﹐就係理所當然﹐大晒﹐好似打風打唔通電話一樣..係大晒的話… “講"到幾快都係冇用..

    有邊間唔係"昆人"﹐什麼4G LTE﹐"實際冇咁快﹖"………真係… 預左

  3. 暫時唔限速…too bad…題外話,我想問unwire 係咪用唔到mobile view, d 圖成日走晒位,,連reply box都唔能夠正常顯示。定係我部機問題?之前唔係咁的

  4. It’s too bad!
    雖然預咗冇可能有100Mbps,但預計都有40-50,
    點知最高先得14Mbps, 真係令我對LTE大失所望,
    希望將來有改善!

  5. 「強差人意」–>差強人意

    Unwire編輯的中文水平絕對有待改善。

  6. 其實我覺得d人對wireless 100mbps 既expectation 錯哂…

    個個都以為wireless既100mbps 同fixed line既100mbps係一樣,以為LTE真係可以隨時隨地可以去100mbps

    其實lte既實際速度只係去到7x mbps,重要視乎實際環境… 大家可以參考下美國網絡商既expected speed for LTE (唔係HSPA+),都只係得1xmbps

    加上,香港其他網絡商依家做緊所謂21mbps or 28mbps,又有幾多做得足有2xmbps呀?

    所以我既結論係,香港各大流動網絡商一黎俾錯一個正確既message俾消費者,令大家真係認為LTE真係出到100mbps;二黎大家亦唔明白wireless既世界,同fixed line係有幾大差別,就算lte都唔保證一定有40-50mbps架…

    再舉例,我屋企依家用緊bb100 + 一個802.11n wifi router(i.e.至少可以去到100mbps) ,用我部macbook(supports 802.11n)企正係個wifi router隔離做一次speedtest,都係得6X Mbps

    但係你依家同我講你expect LTE 係一個mobile 既環境下,同個發射站相差咁遠既距離會做到“100Mbps的一半50Mbps”??

    唔好玩啦~ Wireless communication 唔係咁架

    • 肥倫

      我記得睇過一份 report 講美國果D HSPA+ Network 其實慢香港好多, 香港速度真係世界級數的。

      其實預左唔會去到理論值,失望的另一原因相信係 CSL 之前做過好多大龍鳯 demo , 下下都過 50M, 令人有期望好正常, 但到實際用果陣慢左好多故此失望。

      • …….點可能會信.. 點可能會因為咁而有期望

        如果佢連做demo都冇番咁上下﹐佢仲點叫人join﹐
        間間都係一樣﹐試比你睇梗快..
        demo都慢得話..玩野咩

        o個d咁o既測速網﹐demo﹐o徒氣啦﹐做比你睇快到箭咁都冇用…
        實際有幾快﹐聽用家意見好過..

  7. 老老實實講句…大家都知理論與現實係兩件事,不過…目前全港用到LTE的人數,我估計埋都唔夠100人,同一個站點同時使用人數,可能連3個人都無,宜家咁少人個網絡都咁慢,唔通大家會相信通街電話都用到LTE果陣,速度會好似BT咁,越多人用越快咩?咪玩啦

    再者,如果LTE只係會場先有75Mbps速度,平時係街就得20Mbps,咁不如將個計劃叫做LTE 21Mbps,咪講到咁大啦…又或者索性擺多幾個月,真係個個站點都有一半速度,你先賣街搵客啊…宜家個速度得理論的2折,你就收錢?你當d客做收費測試員?

    你可以話自由巿場,你買我賣好合理…唔用,無必要去批評,不過,我都相信大家睇完測試,應該好清楚會唔會上台,會唔會去做潮童或先鋒…

    PS:下次唔好將同一段的「護航回應」,係第二到地方搬字過紙咁抄過來啦…打手哥哥

  8. 而家LTE Market 同當年3G剛推出時候一樣,各間operator都係邊賣邊upgrade.
    今次測試大都在室內進行,根本未有室內覆蓋。
    而它們現時室外站點數量同3G比較還有一大段距離。
    大家都是望遠多一些

  9. CSL 梗係冇比錢 unwire 頂啦
    unwire好心你地啦, 你攞理論值黎比較就叫強差人意?
    如果你地真係天真到覺得可以達到理論值, 咁你地仲寫乜鬼Tech blog
    你地越做越唔pro, 比錢你就唱好
    唔比錢你就唱衰
    3G 真係做到4G既速度?
    發射站多少等因素你地又知唔知? 知就寫埋出黎啦唔該!

  10. 樓上csl打手,人地完全無講過一定要到理論值,打手還打手,你收左錢要反駁係合理但唔好老屈.
    點解要知發射站因素?點解要理咁多野?我地係客只係想知道,快or唔快,就係咁簡單.而家有人試埋咁多地方出黎,全部都係平時多人去的地方,如果呢d地方都唔快,唔通要去到效野公園快咁先有代表性?你班打手無位入就用呢d理論屈人?真係好笑!唔通飲食男女試野食要知埋廚師個生理狀況同埋廚具的影響?

Leave a Reply

Your email address will not be published. Required fields are marked *

*

你可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>