話咁快，今日去到 12 月 31 日，亦即是 2014 年的最後一日。在今年 365 日，其實各品牌都推出了唔少不同類型的產品，好多都係以流動應用為主。究竟當中有邊 D 係最吸引最正？邊 D 又係最令人失望？就在今日「埋單結算」的日子，Edward 就訪問了 unwire 編輯部各同事，嚴選出今年 8 大最人氣及最失望 Gadgets！

 
 
 

最 Like Gadget :

 
 
 
 
 
 

手機類

DoCoMo AQUOS ZETA SH-04F

 

Yandroid：小編現役手機，還記得當時實試完就即刻付錢買了！除了三窄邊設計機身令小編愛不惜手，整部機的性能也很好，可說是近年最完美的日系機喔。
 
 
 
 
 
 

Samsung GALAXY K-Zoom

小編 ：一部諗唔到咁好用嘅相機 + 手機，因為有得 Zoom 拍攝上已經贏在起跑線，加埋全手動模式拍攝特別得心應手，近半年的發佈會相片都係 K Zoom 包辦，最尾仲搞到連部無反都賣埋……
 
 
 
 
 
 

配件類

 

HTC Re Camera

Edward：小編好鍾意行山乜乜乜，去到邊都要行！但係以前拿住相機行山影相，尤其是行一 D 要雙手並用爬高蹲下的浮沙地、「爆林」的時候，手已經要用來爬石同拿平衡，又點拿得到部相機或者手機？HTC Re Camera 以千零蚊價位，已經可以影到 1080p 影片同埋 1,600 萬像素相，兼且可以加個夾座夾係背囊孭帶，行山時可以邊行邊影邊錄，仲可以用手機取景，無論影風景定係一大班朋友影大合照都 so easy！加上仲要可以防水防塵，遲 D 夏天用來「索澗」都唔驚整壞。
 
 
 
 
 
 

 

小米手環

小編 ：打破智能手帶奢侈形象，功能同普通手帶差唔多，最重要係唔洗經常充電，小米咁多樣產品哩個最 Buy！
 
 
 
 
 
 

平板類

 

Sony Xperia Z3 Tablet Compact

Edward：雖然市場上充斥住一大堆用 2K / QHD Mon 的平板，不過實際上有幾多人可以用得盡 2K 解像度？反而加大咗解像度，用唔盡又令到好似 Edward 呢種平板高用量用家（會用來打機！！）日日差電都幾頭痕。反而 Sony Xperia Z3 Tablet Compact 呢部 8 吋平板，雖然得 1080p 解像度，但就夠哂輕又夠用，仲可以打埋電話（雖然好少用……），基本上打機都可以 2 日甚至更長先需要差電，以 2014 年出的平板來講真係無得輸。
 
 
 
 
 
 

電腦類

 

Apple iMac Retina

天恩：iMac 的完美版，早前 iMac 的熒幕因為有靜電塵問題，一直都未有改善。過了幾年終於轉用 5K 熒幕，一次過解決掉反光、跟表面玻璃距離遠、入塵及解像度不足的問題，而且售價亦非常合理。用了近一個多月仍是有讚無彈。分享中沒有提及的是運作音量的問題，在半夜使用仍聽不到半點風扇及硬碟運作聲，十分靜，即使是 ren 片也沒有風扇聲，真不知道它如何做到……
 
 
 
 
 
 

相機 + 鏡頭類

 

Sony A7S

藍骨：繼 A7 和 A7R 後忽然出現的 A7S 的確是震撼之作，強勁的低光攝錄能力至今仍未有同級對手。

Sigma 50mm f/1.4 Art

藍骨：（相對上）蔗渣的價錢，燒鵝的味道，是今年攝影界另一個最震撼的新產品，希望 Sigma 能保持水準。
 
 
 
 
 
 

2014 最失望之選

手機類

 

Samsung GALAXY Note Edge

 

Edward：本來咁多年來，手機設計來來去去都係咁既樣，突然 Samsung 出部有曲面熒幕的 Note Edge，真係好大期待。不過真係用上手，對於右撇子的 Edward 來講，真係好唔方便，因為成日會捽著個曲面副熒幕，都幾麻煩。同埋要睇訊息，其實開一開個芒都唔會太哂電唧。加上賣街成 7 千幾蚊，真係好貴，如果俾呢個價買把「間尺」，真係寧願買 Note 4 好過。
 
 
 
 
 
 

Amazon Fire Phone

藍骨：原先以為會是能夠改變市場的黑馬，最後只是個配套不足而眼高手低的產品，淪落到要賤價清貨。
 
 
 
 
 
 

Apple iPhone 6 Plus

 

duncan：不再推出單一尺寸的 iPhone 感覺是 Apple 對市場定位的精準眼光失去信心，除了屏幕之外，相信大部份用戶都不會發現 6 和 6 Plus 之間的差別，在一般人眼中就只是屏幕大了而已。以往 Apple 極少賣廣告，但是現在卻晚晚在電視見到，若下一代沒有令人眼前一亮的創新，很可能不少粉絲將會轉投 Android 手機懷抱。
 
 
 
 
 
 

配件類

 

Android Wear 穿戴式產品

小編 ：「智能手錶」本身係今年大熱，但 Android Wear 出來後反而令佢地功能變得一式一樣，簡單說即係無乜功能！但價錢又唔平又要成日充電，暫時諗唔到購入的理由。
 
 
 
 
 
 

藍骨：（針對 Samsung Gear S 評論）沒用上 Android Wear 系統（雖然這系統本身亦令人失望），功能少得可憐，使用亦不便，雞肋也。
 
 
 
 
 
 

平板類

 

Apple iPad Air 2 / iPad Mini 3

 

小編 ：兩機設計同之前差唔多，各方面都唔太驚喜，相比之下上一代型號減價後反而更吸引，這是 Apple 今年最失望的新產品。
 
 
 
 
 
 

所有 8 吋 WinTab

duncan：雖然微軟開放了 10 吋以下 Windows 視窗的授權，令到各大小品牌（包括一大堆國產機）紛紛推出 WinTab，不過 8 吋屏幕本身用來工作實在太細，大小和 6 吋智能手機相差不遠，雖說可以勉強用來工作，但是要做 Excel 真係眼都花，嚴格來說 8 吋 WinTab 實用性實在不及相同尺寸的 Android 平板。
 
 
 
 
 
 

電腦類

 

Microsoft Surface Pro 3

 

天恩：在規格上大勝 macbook air ，又可以拆開變 Tablet 聽下去實在是「屈機」之作。 但實際使用後又是另一個故事。原本天恩計劃 SP3 取代 MBA 成為長伴天恩 24 x 7 x 365 工作之列，不過用過後還是維持使用 MBA。
 
 
 
 
 
 

音樂類

Sony Hi-Res Walkman A10 系列

Yandroid：其實選這部 Walkman 為 2014 年最失望 gadget 可能是小編的問題，因為覺得來到這個 touch mon 年代，沒有 touch mon（也沒有像 iPod 般的 clickwheel），不要說用來聽歌，小編想選歌都好似變得很難。只好期望 F880 系列的後續機不會令人失望喔！